Frå og med 26. juni 2023 er det ikkje lenger gratis å lada elbilar på UiO sine ladestasjonar. Det er ikkje tillate å lada hybridbilar, berre elbilar. Det er forbode å lada i andre kontaktar enn dei som er nemnde på denne sida.
Ladeplassar på Blindern
- 20 plassar med kontakt Type 2 på parkeringsplassen mellom Fysikkbygningen og Farmasibygningen.
- Fire plassar med kontakt Type 2 på parkeringplassen utanfor Lucy Smiths hus og Villa Eika (reserverte plassar).
Ladeplassar på Gaustad
- Fire plassar med kontakt Type 2 på parkeringsplassen bak Gaustadalléen 30.
Ladeplassar i sentrum
- To plassar med kontakt Type 2 i Frederiks gate 3.
Slik brukar du plassane
Køyretøy må ha gyldig parkeringsløyve for tilsette ved UiO. Du betalar via Apcoa-appen med takstsone 9410. Det kostar 10 kr per time for å parkera på ladeplassane, uavhengig om bilen er kopla til ladestasjonen.
Vi oppfordrar alle til å flytta bilen så fort den er ferdiglada for gi plass til andre som har behov for å lada bilen. Ladestolpane er skilta med informasjon om lading og pris.
Grunna elsikkerheit vert ikkje ladestasjonar med vanleg stikkontakt opna igjen.
Oversikt over Oslo kommune sine ladestasjonar (oslo.kommune.no)