Ta eksamen på nytt
Du kan vanlegvis ta eksamen på nytt, men tidspunktet heng saman med om du hadde gyldig forfall til ordinær eksamen.
Med gyldig forfall
Dersom du hadde gyldig forfall til ordinær eksamen, kan du søkje om å ta utsett eksamen. Gyldig forfall kan bli godkjent dersom du var sjuk på eksamen eller det var andre sterke grunnar til at du ikkje kunne ta eksamen.
Utsett eksamen blir arrangert rett etter ordinær eksamen eller tidleg i semesteret etter ordinær eksamen. I emne som har ordinær eksamen kvart semester, kan imidlertid utsett eksamen bli arrangert samtidig med neste ordinære eksamen.
Sjå informasjon ved fakultetet ditt om korleis du søkjer utsett eksamen:
- Humanistisk fakultet
- Juridisk fakultet: kontakt JF-infosenter
- MN-fakultetet
- Medisinsk fakultet
- Odontologisk fakultet: se kontaktinformasjon
- Samfunnsvitenskapelig fakultet
- Teologisk fakultet: kontakt TF-infosenter
- Utdanningsvitenskapelig fakultet
Utan gyldig forfall
Dersom du ikkje har bestått ordinær eksamen eller dersom du ønskjer å forbetre karakteren din, kan du ta eksamen på nytt neste gong det blir arrangert ordinær eksamen i emnet.
I dei fleste emna ved UiO kan du framstille deg til eksamen inntil tre gongar. Du kan ikkje ta eksamen på nytt dersom du har brukt opp talet på lovlege eksamensforsøk.
Kontakt fakultetets studieinformasjonssenter for meir informasjon om korleis du tek eksamen på nytt utan gyldig forfall.
Dersom du trekte deg før eksamen
Har du fulgt undervisninga, men trekt deg frå eksamen, kan du i dei fleste emna ta eksamen neste gong den blir arrangert. Nokre emne har særskilde reglar om undervisning og obligatoriske aktivitetar for dei som ønskjer å ta eksamen på nytt. Kontakt fakultetets studieinformasjonssenter for meir informasjon.