Praktiske tips til skuleeksamen

Når skal eg møte?

• På dei fleste eksamenane må du møte opp 15 minutt før eksamensstart. 

Kva skal eg ta med?

• Du må ta med gyldig legitimasjon, gjerne studentkort. Det er ikkje påkravd å ha med semesterkort.
• Du må ta med skrivesaker (kulepennar).
• Du bør ta med klokke, mat og drikke for den tida eksamenen varer. Du kan ikkje bruke mobiltelefon eller mp3-spelar som klokke.
• Du bør ta med tillatne hjelpemiddel som er nevnt i emneomtalen.

Under eksamen

• Spørsmål til oppgåva kan rettast til faglærar som vanlegvis kjem i løpet av den første timen av eksamen.
• Toalettbesøk og luftepausar kan takast når som helst, bortsett frå den første halvtimen. Rett opp handa og vent til ei av eksamensvaktene kjem og følgjer deg ut.
• Mobiltelefonar og tilsvarande skal vere slått av og pakka vekk.
• Kommunikasjon med andre kandidatar under eksamenen er forbode. Les meir om fusk.

Trekk frå eksamen

• Du kan ikkje forlate eksamenslokalet før 30 minutt etter eksamensstart.
• Trekk under eksamen blir rekna som eit forsøk.
• Trekk under eksamen på grunn av sjukdom har eigne reglar.