Kjøpe utskrifter
Alle studentar ved UiO får ein utskriftskvote på opp til 250 sider gratis kvart semester. Du kan velje å kjøpe fleire utskrifter. Gå til StudentWeb og vel Betaling.
Prisen er 80 øre pr. tosidig trykk (svart/kvit A4-format). Fargetrykk og spesialtrykk har eigne satsar. Alle utskrifter som blir produserte via UiOs utskriftssystem er tosidige, og du betaler i samsvar med dette.
Betalingsmåtar
Talet på utskrifter du får, avheng av betalingsmåten du bruker. Du får fleire sider ved å bruke Visa/Mastercard.
Betale med Visa/Mastercard i StudentWeb
Av beløpet du betaler inn, blir det trekt eit lite gebyr. Kvart tosidige trykk kostar 80 øre.
- Kr 100 - gjev 116 tosidig trykk.
- Kr 200 - gjev 238 tosidig trykk.
- Kr 400 - gjev 482 tosidig trykk.
Ved bruk av denne betalingsforma blir utskriftskvoten oppdatert med éin gong.
Betale via nettbank eller giro
Du finn betalingsopplysningar, dvs. kontonummer, nytt KID-nummer og det samla beløpet du vil kjøpe utskrifter for i StudentWeb. Av beløpet du betaler inn, blir det trekt eit gebyr på kr 25. Kvart tosidige trykk kostar 80 øre.
- Kr 100 - gjev 94 tosidig trykk.
- Kr 200 - gjev 219 tosidig trykk.
- Kr 400 - gjev 469 tosidig trykk.
Ved bruk av nettbank/telegiro blir utskriftskvoten oppdatert etter 2-4 dagar. Brevgiro kan ta noko lengre tid.
Har du ikkje betalt kopiavgifta?
Dersom du ikkje har betalt kopiavgifta innan 15. september om hausten og 15. februar om våren, blir utskriftskvota di sperra. Då kan du ikkje skrive ut på UiOs skrivarar. Dette skjer sjølv om du har kjøpt fleire utskrifter i StudentWeb.
Har du kjøpt for mange utskrifter?
Har du betalt for fleire utskrifter enn du faktisk bruker, kan du ikkje få refundert det innbetalte beløpet, men kvoten du har kjøpt vil bli overført til neste semester.
Utskriftshistorikk
Utskriftshistorikk frå dei siste 14 dagane og oversikt over kor mykje utskriftskvote du har igjen, kan du finne ved å logge deg inn med ditt vanlege UiO-brukernamn og passord i systemet for brukaradministrasjon.
Unntak for enkelte studentgrupper
Bilagsløna studentar med registrerte arbeidskontraktar (medrekna gruppelærarar og terminalstovevakter) kan få fri utskriftskvote. Kontakt instituttet.