• Studier
• Emner
• Humanistiske fag
• Nordisk språk og litteratur, irsk, lingvistikk og retorikk
  • LING1101

Dette emnet er lagt ned, sjå oversikt over emne vi tilbyr.

LING1101 - Fonetikk, fonologi og morfologi 1

Kort om emnet

Elementær innføring i det vitskaplege studiet av språklydar frå ein allmennspråkleg og einskildspråkleg synsstad og i det vitskaplege studiet av dei ulike måtane som ordbøying og orddanning skjer på i språka i verda.

Dette grunnemnet er eit kunnskaps- og ferdigheitsemne med sluttvurdering.

Kva lærer du?

Kurset har to delar:

• Studentane skal tileigne seg grunnleggjande kunnskap om artikulatorisk og akustisk analyse av språklydar. Dei skal lære å bruke transkripsjonssystemet til The International Phonetic Association (IPA). Dei skal tileigne seg kunnskap om fonologisk teori, og lære å bruke denne kunnskapen i fonologisk analyse.
• Studentane skal tileigne seg grunnleggjande kunnskap om morfologisk teori, og lære å bruke denne kunnskapen i morfologisk analyse.

Opptak

Studentar må kvart semester søkje plass på undervisninga og melde seg til eksamen i StudentWeb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Det er ikkje mogleg å ta dette emnet som privatist. Du må ha plass på undervisninga for å ta eksamen.

Forkunnskapar

Tilrådde forkunnskapar

Det er ein føremon om studenten har teke EXFAC03-SPR - Examen facultatum, språkvitenskap

Undervisning

Det er 20 dobbelttimar undervising med nokre avbrot i løpet av semesteret på dette grunnemnet.

På fonetikkundervisninga (fem dobbelttimar) er det obligatorisk frammøte for å få ta eksamen. Meir enn ein dobbelttime fråver blir ikkje akseptert.

Undervisninga går over heile semesteret i samsvar med § 4.1 i forskrift om studier og eksamener ved Universitetet i Oslo .

Adgang til undervisning

Ein student som har fått gjennomført og godkjent obligatorisk undervisning har ikkje krav på ny undervisning. Ein student som har fått undervisningsrett til eit emne, men ikkje har gjennomført og/eller fått godkjent obligatorisk undervisning, har rett til ny undervisning, men fyrst når kapasitetsomsyn gjer det mogleg.

Vurdering og eksamen

Det er éi kvalifiseringsoppgåve, som kan handle om fonologi og/eller morfologi. Oppgåvesvaret må vere godkjent. Det er éi 3-dagars heimeoppgåve, som kan handle om fonologi og/eller morfologi. Det er munnleg eksamen i fonetikk. Heimeoppgåva og den munnlege eksamenen tel 50 % kvar.

Før du skriv oppgåver eller eksamenar, bør du lære deg reglane for rett bruk av sitat og referansar.

Eksamensspråk

Det er mogleg å svare på eksamen på norsk, svensk, dansk eller engelsk. Søknad om engelsk oppgåvetekst retter du til kontaktpunkt for emnet. Om bruk av målform i eksamensoppgåver, sjå § 5.4 i Forskrift om studium og eksamenar ved Universitetet i Oslo.

Sensur

Prestasjonen til studenten blir vurdert ut frå ein gradert bokstavkarakterskala frå A til F, der A er beste karakter og F er stryk. Les meir om karakterskalaen .

Emnet har ein tilsynssensor som vurderer den totale faglege kvaliteten på emnet, inkludert vurderingsordningane.

Grunngjeving og klage

Ein student kan be om grunngjeving for eksamenskarakterane, og kan også klage over karakterfastsetjinga og/eller over formelle feil ved eksamen. Les meir om grunngjeving og klage

Høve til utsett eller ny eksamen/vurdering

Du kan vanlegvis ta eksamen på nytt, men tidspunktet er avhengig av om du hadde gyldig forfall til ordinær eksamen. Les meir om å ta eksamen på nytt .

Trekk frå eksamen og talet på eksamensforsøk

Ein student kan framstille seg til eksamen i dette emnet inntil tre gonger. Studenten blir rekna som framstilt til eksamen dersom ho/han ikkje har trekt eksamensmeldinga si i StudentWeb innan ein gitt frist.

Tilrettelagd eksamen/vurdering

Ein student som har ei funksjonshemming og/eller kroniske eller akutte helseproblemer som fører til vesentlege ulemper i eksamenssituasjonen i høve til andre studentar, kan søkje om å få ein tilrettelagd eksamen. Mødrer som ammar, kan søkje om tilleggstid på eksamen.

Evaluering av emnet

Tilbakemelding frå studentane våre er avgjerande for at vi skal kunne tilby best moglege emne og studieprogram. Som student ved UiO vil du difor bli beden om å delta i ulike typar evaluering av studiekvardagen din. Vi gjennomfører fortløpande evaluering av dette emnet, og med jamne mellomrom ber vi studentane delta i ei meir omfattande og detaljert evaluering, ei såkalla "periodisk evaluering" av emnet.

Periodisk emnerapport høst 2006

Anna

Minimum 5 studentar. Studenter tekne opp til eit studieprogram der emnet inngår, blir prioriterte.

Kontakt oss