• Studier
• Emner
• Humanistiske fag
• Nordisk språk og litteratur, irsk, lingvistikk og retorikk
  • LING4280

LING4280 - Prosjektoppgåve i klinisk lingvistikk

Kort om emnet

Emnet gir opplæring i praktisk forskingsarbeid innanfor rammene av forskingsgruppa i klinisk lingvistikk og språktileignelse, og skal resultere i ei prosjektoppgåve.

Kva lærer du?

Etter fullført emne skal studenten kunne:

• Gjøre greie for grunnleggande sider ved forskingsstrategi og praktisk forskingsarbeid i klinisk lingvistikk og språktileignelse
• Vurdere fagets forskingslitteratur og utforme kritiske litteraturoversyn
• Skrive eigne vitskaplege tekstar på feltet
Endelig karakter viser i kva grad studenten har oppnådd læringsutbyttet for emnet.

Opptak

Kun studenter med opptak til Mastergraden i lingvistikk, kan melde seg opp til dette emnet.Det må avtalast med faglærer om man kan få opptak på dette emnet.
Manuell oppmelding via studiekonsulent.

Studentar må kvart semester søkje plass på undervisninga og melde seg til eksamen i StudentWeb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Det er ikkje mogleg å ta dette emnet som privatist. Du må ha plass på undervisninga for å ta eksamen.

Forkunnskapar

Ingen obligatoriske forkunnskapar utover generell studiekompetanse.

Undervisning

Det er ingen fast undervisning på dette emnet, men studentane får rettleiing frå ein av forskarane i forskargruppa i klinisk lingvistikk, anten individuelt eller i grupper. Studenten skal skrive ei prosjektoppgåve, der tema blir bestemt av rettleiar. Oppgåva vil bli definert av den forskaren som påtar seg rettleiaroppgåva, men vil alltid gjelde metodar av generell nytte for forsking i klinisk lingvistikk. Omfanget av emnet er bestemt av studiepoenga, og vil dermed liggje på ca 1/3 semester. Oppgåva, som skal skrivast på engelsk, skal følgje malen for vitskaplege publikasjonar innan fagfeltet, og kan for eksempel vere ein rapport frå eit mindre forskingsarbeid gjennomført innanfor rammene av emnet, eller eit litteraturoversyn av delar av litteraturen som blir lesen i samband med emnet.

Undervisninga går over heile semesteret i samsvar med § 4.1 i forskrift om studier og eksamener ved Universitetet i Oslo .

Adgang til undervisning

Ein student som har fått gjennomført og godkjent obligatorisk undervisning har ikkje krav på ny undervisning. Ein student som har fått undervisningsrett til eit emne, men ikkje har gjennomført og/eller fått godkjent obligatorisk undervisning, har rett til ny undervisning, men fyrst når kapasitetsomsyn gjer det mogleg.

Vurdering og eksamen

Prosjektoppgåva - ei semesteroppgåve på 10 sider (à 2300 tegn utan mellomrom) - utgjør grunnlaget for vurdering.

Før du skriv oppgåver eller eksamenar, bør du lære deg reglane for rett bruk av sitat og referansar.

Sensur

Prestasjonen til studenten blir vurdert som bestått eller ikkje bestått. Les meir om karakterskalaen .

Grunngjeving og klage

Ein student kan be om grunngjeving for eksamenskarakterane, og kan også klage over karakterfastsetjinga og/eller over formelle feil ved eksamen. Les meir om grunngjeving og klage

Høve til utsett eller ny eksamen/vurdering

Du kan vanlegvis ta eksamen på nytt, men tidspunktet er avhengig av om du hadde gyldig forfall til ordinær eksamen. Les meir om å ta eksamen på nytt .

Evaluering av emnet

Tilbakemelding frå studentane våre er avgjerande for at vi skal kunne tilby best moglege emne og studieprogram. Som student ved UiO vil du difor bli beden om å delta i ulike typar evaluering av studiekvardagen din. Vi gjennomfører fortløpande evaluering av dette emnet, og med jamne mellomrom ber vi studentane delta i ei meir omfattande og detaljert evaluering, ei såkalla "periodisk evaluering" av emnet.

Anna

Antal studentar er avhengig av antal tilgjengelege rettleiarar og prosjekt.

Emnet inngår som del av masterprogrammet i lingvistikk.

Kontakt oss