• Studier
• Emner
• Humanistiske fag
• Nordisk språk og litteratur, irsk, lingvistikk og retorikk
  • NAVN1100

NAVN1100 - Innføring i namnegransking

Kort om emnet

Emnet gir eit oversyn over sentrale sider i faget, som faghistorie, terminologi og namnevitskapleg metode. Vidare gir det ei innføring i hovudkategoriane stadnamn og personnamn, med særleg vekt på dei store gardsnamnklassane og endringar i personnamngjevinga.

Pensum finst på emnesida for kvart semester.

Kva lærer du?

Studentane får kjennskap til korleis namn blir laga og fungerer i språket, kva som skil dei frå andre språklege storleikar, korleis dei kan klassifiserast, og korleis namn kan nyttast som språkleg, språksosiologisk og historisk kjeldemateriale.

Opptak

Studentar må kvart semester søkje plass på undervisninga og melde seg til eksamen i StudentWeb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Det er ikkje mogleg å ta dette emnet som privatist. Du må ha plass på undervisninga for å ta eksamen.

Forkunnskapar

Ingen obligatoriske forkunnskapar utover generell studiekompetanse.

Undervisning

Det blir gitt 28 timar seminarundervisning fordelt på 2 timar i veka i 15 veker, inkludert leseveker. Ei kvalifiseringsoppgåve på ca.12.000 – 15.000 teikn utan mellomrom (6-8 sider) skal vere godkjent av faglærar før studenten kan gå opp til eksamen.

Godkjent obligatorisk undervisningsaktivitet/kvalifiseringsoppgåve er gyldig dei to neste semestra emnet blir gitt. Unntak kan førekome dersom emnet skiftar vurderingsform, undervisningsform, undervisningsopplegg eller blir endra vesentleg på andre vis.

Undervisninga går over heile semesteret i samsvar med § 4.1 i forskrift om studier og eksamener ved Universitetet i Oslo .

Adgang til undervisning

Ein student som har fått gjennomført og godkjent obligatorisk undervisning har ikkje krav på ny undervisning. Ein student som har fått undervisningsrett til eit emne, men ikkje har gjennomført og/eller fått godkjent obligatorisk undervisning, har rett til ny undervisning, men fyrst når kapasitetsomsyn gjer det mogleg.

Vurdering og eksamen

Den obligatoriske kvalifiseringsoppgåva må vere godkjent av faglærar før studenten kan gå opp til eksamen. Sjå meir om dette under 'Undervisning'.

Eksamen er ei munnleg prøve i slutten av semesteret som blir vurdert med gradert karakterskala av faglærar og oppnemnd sensor.

Alle obligatoriske innleveringsoppgåver skal leverast saman med obligatorisk erklæring som vedkjem fusk

Før du skriv oppgåver eller eksamenar, bør du lære deg reglane for rett bruk av sitat og referansar.

Hjelpemiddel

Ingen hjelpemiddel er tillatne.

Sensur

Prestasjonen til studenten blir vurdert ut frå ein gradert bokstavkarakterskala frå A til F, der A er beste karakter og F er stryk. Les meir om karakterskalaen .

Emnet har ein tilsynssensor som vurderer den totale faglege kvaliteten på emnet, inkludert vurderingsordningane.

Grunngjeving og klage

Ein student kan be om grunngjeving for eksamenskarakterane, og kan også klage over karakterfastsetjinga og/eller over formelle feil ved eksamen. Les meir om grunngjeving og klage

Høve til utsett eller ny eksamen/vurdering

Du kan vanlegvis ta eksamen på nytt, men tidspunktet er avhengig av om du hadde gyldig forfall til ordinær eksamen. Les meir om å ta eksamen på nytt .

Trekk frå eksamen og talet på eksamensforsøk

Ein student kan framstille seg til eksamen i dette emnet inntil tre gonger. Studenten blir rekna som framstilt til eksamen dersom ho/han ikkje har trekt eksamensmeldinga si i StudentWeb innan ein gitt frist.

Tilrettelagd eksamen/vurdering

Ein student som har ei funksjonshemming og/eller kroniske eller akutte helseproblemer som fører til vesentlege ulemper i eksamenssituasjonen i høve til andre studentar, kan søkje om å få ein tilrettelagd eksamen. Mødrer som ammar, kan søkje om tilleggstid på eksamen.

Evaluering av emnet

Tilbakemelding frå studentane våre er avgjerande for at vi skal kunne tilby best moglege emne og studieprogram. Som student ved UiO vil du difor bli beden om å delta i ulike typar evaluering av studiekvardagen din. Vi gjennomfører fortløpande evaluering av dette emnet, og med jamne mellomrom ber vi studentane delta i ei meir omfattande og detaljert evaluering, ei såkalla "periodisk evaluering" av emnet.

Periodisk emnerapport høsten 2010

Kontakt oss