• Studier
• Emner
• Humanistiske fag
• Nordisk språk og litteratur, irsk, lingvistikk og retorikk
  • NOR4000

Dette emnet er lagt ned, sjå oversikt over emne vi tilbyr.

NOR4000 - Historisk syntaks

Kort om emnet

• forholdet mellom diakron og synkron syntaks
• forholdet mellom diakroni og typologi
• forholdet mellom språkendring og språktileigning
• beskrivingsmodellar for syntaktisk endring
• utprøving av syntaktiske modellar og teoriar mot historiske data
• tolking av historisk språkmateriale til bruk i syntaktisk generalisering

Kva lærer du?

Bli i stand til å arbeida vitskapleg med historiske syntaktiske data, ved m.a.

• bruk av modellar og teoriar i samband med master-eller doktoravhandling
• kritisk vurdering av forskingsresultat innanfor feltet

Opptak

Studentar må kvart semester søkje plass på undervisninga og melde seg til eksamen i StudentWeb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Det er ikkje mogleg å ta dette emnet som privatist. Du må ha plass på undervisninga for å ta eksamen.

Forkunnskapar

Obligatoriske forkunnskapar

Emnet krev opptak på MA-nivå

Undervisning

Seminar med 2 undervisningstimar per veke og innlagde leseveker, i alt 15 veker. Studentane legg fram minst éi kortare øvingsoppgåve, skriftleg eller munnleg, undervegs i seminaret. Oppgåva/oppgåvene må vere godkjend(e) av faglæraren før studenten kan gå opp til eksamen.

Undervisninga går over heile semesteret i samsvar med § 4.1 i forskrift om studier og eksamener ved Universitetet i Oslo .

Adgang til undervisning

Ein student som har fått gjennomført og godkjent obligatorisk undervisning har ikkje krav på ny undervisning. Ein student som har fått undervisningsrett til eit emne, men ikkje har gjennomført og/eller fått godkjent obligatorisk undervisning, har rett til ny undervisning, men fyrst når kapasitetsomsyn gjer det mogleg.

Vurdering og eksamen

Eksamen består av ei semesteroppgåve på ca. 10 sider (23.000 teikn). Tema for semesteroppgåva tek utgangspunkt i pensum og blir fastsett av student og faglærar i samarbeid seinast midt i semestret. Oppgåva skal leverast innan fastsett dato i slutten av semestret og blir vurdert med gradert karakterskala av oppnemnd sensor.

Før du skriv oppgåver eller eksamenar, bør du lære deg reglane for rett bruk av sitat og referansar.

Sensur

Prestasjonen til studenten blir vurdert ut frå ein gradert bokstavkarakterskala frå A til F, der A er beste karakter og F er stryk. Les meir om karakterskalaen .

Emnet har ein tilsynssensor som vurderer den totale faglege kvaliteten på emnet, inkludert vurderingsordningane.

Grunngjeving og klage

Ein student kan be om grunngjeving for eksamenskarakterane, og kan også klage over karakterfastsetjinga og/eller over formelle feil ved eksamen. Les meir om grunngjeving og klage

Høve til utsett eller ny eksamen/vurdering

Du kan vanlegvis ta eksamen på nytt, men tidspunktet er avhengig av om du hadde gyldig forfall til ordinær eksamen. Les meir om å ta eksamen på nytt .

Trekk frå eksamen og talet på eksamensforsøk

Ein student kan framstille seg til eksamen i dette emnet inntil tre gonger. Studenten blir rekna som framstilt til eksamen dersom ho/han ikkje har trekt eksamensmeldinga si i StudentWeb innan ein gitt frist.

Tilrettelagd eksamen/vurdering

Ein student som har ei funksjonshemming og/eller kroniske eller akutte helseproblemer som fører til vesentlege ulemper i eksamenssituasjonen i høve til andre studentar, kan søkje om å få ein tilrettelagd eksamen. Mødrer som ammar, kan søkje om tilleggstid på eksamen.

Evaluering av emnet

Tilbakemelding frå studentane våre er avgjerande for at vi skal kunne tilby best moglege emne og studieprogram. Som student ved UiO vil du difor bli beden om å delta i ulike typar evaluering av studiekvardagen din. Vi gjennomfører fortløpande evaluering av dette emnet, og med jamne mellomrom ber vi studentane delta i ei meir omfattande og detaljert evaluering, ei såkalla "periodisk evaluering" av emnet.

Kontakt oss