• Studier
• Emner
• Humanistiske fag
• Nordisk språk og litteratur, irsk, lingvistikk og retorikk
  • NORINT2115

NORINT2115 - Dialektar, nynorsk og språkhistorie

Kort om emnet

Emnet gir ei innføring i norske dialektar, norsk språkhistorie og nynorsk. Dette er eit ferdigheits- og kunnskapsemne for internasjonale studentar og skal gi studentane grunnlag for sjølv å undervise om det norske språklandskapet. Vidare skal dei kunne tileigne seg fagstoff med relevant innhald på nynorsk og kunne bruke nynorsk i eigen skriftleg produksjon.

Kva lærer du?

Studentane skal ved fullført emne ha kunnskap om hovudpunkt i dialektologien og dei skal kjenne til og kunne beskrive geografisk inndeling og målmerker for norske dialektar. Dei skal arbeide praktisk med målprøvar og kunne skilje mellom dei fire hovudgruppene som norske dialektar er delt inn i, og kunne kjenne att dialektar frå desse hovudgruppene. Dei internasjonale studentane skal ha god innsikt i norsk talemål og talemålsvariasjon.
Studentane skal vidare kjenne til hovudtrekk i norsk språkhistorie frå urnordisk og fram til vår tid. Dei skal ha kunnskap om nynorsken sin plass i Noreg i dag, og kunne lese og forstå nynorske tekstar i ulike sjangrar frå fagartiklar til blogg og aviser. Studentane skal lære om særdrag i nynorsk grammatikk og nynorsk ordtilfang, sjå dette i høve til eige norsk talemål og kunne skrive tekstar på nynorsk.

Opptak

Studentar må kvart semester søkje plass på undervisninga og melde seg til eksamen i StudentWeb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Det er ikkje mogleg å ta dette emnet som privatist. Du må ha plass på undervisninga for å ta eksamen.

Forkunnskapar

Ingen obligatoriske forkunnskapar utover generell studiekompetanse.

Undervisning

Tre timar seminarundervisning i veka i 14 veker. Praktiske skriftlege øvingar er ein obligatorisk del av emnet. Ei munnleg kvalifiseringsoppgåve skal vere godkjent av faglærar før studenten kan gå opp til eksamen. Kvalifiseringsoppgåva skal gjennomførast i grupper.

Godkjent obligatorisk undervisningsaktivitet/kvalifiseringsoppgåve er gyldig dei to neste semestra emnet blir gitt.

Undervisninga går over heile semesteret i samsvar med § 4.1 i forskrift om studier og eksamener ved Universitetet i Oslo .

Adgang til undervisning

Ein student som har fått gjennomført og godkjent obligatorisk undervisning har ikkje krav på ny undervisning. Ein student som har fått undervisningsrett til eit emne, men ikkje har gjennomført og/eller fått godkjent obligatorisk undervisning, har rett til ny undervisning, men fyrst når kapasitetsomsyn gjer det mogleg.

Vurdering og eksamen

Heimeeksamen på omlag 4-5 sider.

Før du skriv oppgåver eller eksamenar, bør du lære deg reglane for rett bruk av sitat og referansar.

Eksamensspråk

Nynorsk

Sensur

Prestasjonen til studenten blir vurdert ut frå ein gradert bokstavkarakterskala frå A til F, der A er beste karakter og F er stryk. Les meir om karakterskalaen .

Grunngjeving og klage

Ein student kan be om grunngjeving for eksamenskarakterane, og kan også klage over karakterfastsetjinga og/eller over formelle feil ved eksamen. Les meir om grunngjeving og klage

Høve til utsett eller ny eksamen/vurdering

Du kan vanlegvis ta eksamen på nytt, men tidspunktet er avhengig av om du hadde gyldig forfall til ordinær eksamen. Les meir om å ta eksamen på nytt .

Trekk frå eksamen og talet på eksamensforsøk

Ein student kan framstille seg til eksamen i dette emnet inntil tre gonger. Studenten blir rekna som framstilt til eksamen dersom ho/han ikkje har trekt eksamensmeldinga si i StudentWeb innan ein gitt frist.

Tilrettelagd eksamen/vurdering

Ein student som har ei funksjonshemming og/eller kroniske eller akutte helseproblemer som fører til vesentlege ulemper i eksamenssituasjonen i høve til andre studentar, kan søkje om å få ein tilrettelagd eksamen. Mødrer som ammar, kan søkje om tilleggstid på eksamen.

Anna

Emnet er ein del av Fagstudium i norsk språk og litteratur i et fremmedspråksperspektiv

Kontakt oss