• Studier
• Emner
• Samfunnsvitenskap
• Statsvitenskap
  • STV4333B

STV4333B - Sentral-Europa og Baltikum (tidlegare Sentral og Øst-Europa)

Kort om emnet

Formålet med emnet er å gje oversikt over den politiske utviklinga i fire sentraleuropeiske og tre baltiske land (Polen, Tsjekkia, Slovakia, Ungarn, Estland, Latvia og Litauen), med hovudvekt på tida etter 1989. Sentrale tema er "revolusjonane" i 1989-1991, med vekt på overgangen til demokrati, og dei postkommunistiske regima, inkludert val av institusjonelle løysingar, framveksten av partisystem og skiljeliner, regjeringsmønster, og elitekontinuitet og -endring.

Kva lærer du?

Kunnskapsmål

Du skal

• kunne skilje mellom ulike vegar til demokrati i det postkommunistiske Europa
• kunne gjera greie for institusjonelle løysingar og framveksten av partisystem i dei sju landa kurset omfattar.
• få detaljert kunnskap om politiske parti og elitar i dei same landa
• få kjennskap til hovudtrekk i overgangen til marknadsøkonomi og vegen til EU-medlemskap i sentraleuropeiske og baltiske land

Ferdigheitsmål

Du skal

• kunne samanlikne institusjonar og partisystem på tvers av land
• kunne vurdere trekk ved dei politiske systema i ulike sentraleuropeiske og baltiske land opp mot sentrale statsvitskapelege modellar og typologiar.
• kunne analysere samanhengar mellom ulike institusjonelle ordningar som valordningar, partisystem og regjeringar

Opptak

Berre studenter på masterprogrammet i statsvitskap har tilgang til emnet.

Det er mogleg å søkje om å bli tatt opp som hospitant på dette emnet.

Det er ikkje mogleg å ta dette emnet som privatist. Berre studentar med undervisningsopptak til emnet kan delta i undervisninga og framstelle seg til eksamen.

Forkunnskapar

Obligatoriske forkunnskapar

Bachelorprogram i statsvitskap eller tilsvarande.

Tilrådde forkunnskapar

Bachelorprogram i statsvitskap eller tilsvarande. Det er ein fordel om studentane har avlagt STV2300 Komparativ politikk 2.

Undervisning

Undervisninga på emnet er lagt opp som 10 dobbelttimar førelesing. I tillegg kjem munnlege studentpresentasjonar. Det er obligatorisk frammøte på studentpresentasjonane.
Undervisninga går føre seg intensivt i ein periode på 5. veker, med eksamen i den 6. veka. Emnet er ein del av det ordinære studietilbodet. Undervisinga vil stort sett vera på dagtid. For detaljar, sjå semestersidene for emnet. Fronter blir vanlegvis brukt i undervisninga.

Vurdering og eksamen

Du blir vurdert ut frå ein skuleeksamen på 6 timar. Det skal også leverast ei øvings- eller kvalifiseringsoppgåve i rimeleg tid før skriftleg eksamen, og den blir vurdert til bestått/ikkje-bestått. Kvalifiseringsoppgåva på dette emnet vil vera ein munnleg powerpointpresentasjon med oppgjeve tema. Kvalifiseringsoppgåva inngår ikkje ved karakterfastsetjinga. Det blir gitt bokstavkarakter på skriftleg eksamen.

Det samfunnsvitskapelege fakultetet er ansvarleg for eksamensgjennomføringa og eksamensstad er Universitetet i Oslo, Blindern, eller eventuelt andre eksamenslokale i Oslo.

Hjelpemiddel

Ordbok. Ordbøker må leverast inn til instituttet for gjennomsyn minst ein dag før skuleeksamen.

Eksamensspråk

Det er mogleg å svare på eksamen på norsk, svensk, dansk eller engelsk. Søknad om engelsk oppgåvetekst retter du til kontaktpunkt for emnet. Om bruk av målform i eksamensoppgåver, sjå § 5.4 i Forskrift om studium og eksamenar ved Universitetet i Oslo.

Sensur

Prestasjonen til studenten blir vurdert ut frå ein gradert bokstavkarakterskala frå A til F, der A er beste karakter og F er stryk. Les meir om karakterskalaen .

Grunngjeving og klage

Sjå her for retningsliner ved søknad om grunngjeving og klagar.

Høve til utsett eller ny eksamen/vurdering

Du kan vanlegvis ta eksamen på nytt, men tidspunktet er avhengig av om du hadde gyldig forfall til ordinær eksamen. Les meir om å ta eksamen på nytt .

Trekk frå eksamen og talet på eksamensforsøk

Ein student kan framstille seg til eksamen i dette emnet inntil tre gonger. Studenten blir rekna som framstilt til eksamen dersom ho/han ikkje har trekt eksamensmeldinga si i StudentWeb innan ein gitt frist.

Tilrettelagd eksamen/vurdering

Ein student som har ei funksjonshemming og/eller kroniske eller akutte helseproblem som fører til vesentlege ulemper i eksamenssituasjonen i forhold til andre studentar, kan søkje om tilrettelegging ved eksamen. Mødre som ammar kan søkje om tilleggstid på eksamen.

Evaluering av emnet

Det blir gjort undervegsevaluering av emnet kvar gang det blir halde undervising. Periodisk sluttevaluering blir gjort kvart fjerde år.
Tilsynssensor har ansvar for vurdering av emnet, og han/ho skriv ein årleg rapport.

Kontakt oss