UiO sine studieprogram omfattar:
- årsstudium
- treårige bachelorprogram
- femårige masterprogram
- seksårige profesjonsstudium
- 1½- og 2-årige masterprogram som byggjer på bachelorprogramma.
Bachelorprogram
Eit bachelorprogram er treårig (180 studiepoeng) og fører fram til graden bachelor. Ei rekkje av bachelorprogramma har ei fast oppbygging, mens du i andre står friare til å velje kva emne og emnegrupper som skal vere med. I dei studieprogramma der du kan velje friare, må du setje saman studiet etter retningslinjer fastsette av universitetet for å oppnå bachelorgraden.
Årseiningar
Dei eittårige studieprogramma, såkalla årseiningar, er avsluttande studium på 60 studiepoeng. Ei årseining kan ein ofte bruke som del av ein bachelorgrad, eller ho kan vere avsluttande i seg sjølv, for eksempel som eit års vidareutdanning.
Masterprogram - 1 1/2 eller 2 år
Masterprogramma byggjer på den faglege fordjupninga i bachelorgraden og fører fram til graden master. Masterprogramma varer i 1½ eller 2 år (90 eller 120 studiepoeng), og omfattar blant anna eit større skriftleg, sjølvstendig arbeid. UiO tilbyr også enkelte masterprogram som byggjer på ei treårig profesjonsutdanning, for eksempel sjukepleie, attåt enkelte erfaringsbaserte masterprogram som byggjer på ein kombinasjon av utdanning og arbeidserfaring.
Alle masterprogram på 1 1/2 eller 2 år
Masterprogram - 5 år
UiO har ei rekkje femårige studium som startar på lågare grads nivå, men som etter fullført studium gir graden master. Studia i ernæring, farmasi, lærerutdanning (lektorprogrammet), odontologi, rettsvitskap og samfunnsøkonomi er slike femårige studium.
Profesjonsstudium - 6 år
Dei seksårige studia i medisin, psykologi og teologi gir eigne gradar; cand.med, cand.psychol og cand.theol.