Enkeltemne: kultur-, språk- og samfunnsfag
For å bli kvalifisert til å ta enkeltemne eller eksamen som privatist innan kultur-, språk- og samfunnsfag, må du vere registrert med generell studiekompetanse ved UiO.
Sjekk om du er registrert med generell studiekompetanse
Du ser om du er registrert med generell studiekompetanse (GSK) i SøknadsWeb (sjå skjermbilde). Om det ikkje står noko, er du ikkje registrert med GSK.
Om du ikkje er registrert med generell studiekompetanse
Søk om å bli kvalifisert i SøknadsWeb. Slik søkjer du.
- Registrer ein søknad: Vel Enkeltemne, deretter Søknad om å bli enkeltemnestudent eller privatist hausten 2013 og søknadsalternativet 'Emne i kultur-, språk- og samfunnsfag'
- Last opp naudsynt dokumentasjon (sjå skjermbilde):
- Søkjer du på bakgrunn av generell studiekompetanse, lastar du opp dokumentasjon på generell studiekompetanse.
- Søkjer du på bakgrunn av realkompetanse, fyller du ut Skjema for studiekompetanse, krysser av for at du søkjer på bakgrunn av realkompetanse og oppgir kva for emne du vil bli vurdert for. Deretter lastar du opp skjemaet saman med dokumentasjon på realkompetanse.
Søknadsfrist hausten 2013:
- 1. august 2013
Fristen gjeld også for opplasting/innsending av dokumentasjon.
Vi kan be deg leggje fram originaldokumentasjon. Om du ikkje viser fram originalane på førespurnad, vil du få avslag på søknaden.
- Blir du kvalifisert, kan du søkje på emne med ledig plass i StudentWeb frå 20. august kl. 9 og seinast 1. september.
Om du er registrert med generell studiekompetanse
Du treng ikkje søkje om å bli kvalifisert for å ta enkeltemne. Vil du likevel ha ei påminning om fristar og prosedyrar per e-post, kan du registrere ein søknad i SøknadsWeb.
- Du kan søkje på emne med ledig plass i StudentWeb frå 20. august kl. 9 og seinast 1. september.
Les kva du må gjere dersom du i tillegg ønskjer å ta emne i realfag og/eller informatikk.