Søkje på grunnstudium

Grunnstudium er bachelorprogram, årseiningar, femårige masterprogram og seksårige profesjonsutdanningar. Du søkjer på grunnstudium via Samordna opptak.

Finn studie

For å bli student ved UiO må du som hovudregel ha generell studiekompetanse.

På nokre studieprogram er det i tillegg spesielle opptakskrav. For informasjon om opptakskrava på studiet du vil søkje på, sjå studieoversikta.

Slik søkjer du

  • Du søkjer på grunnstudium på UiO via Samordna opptak.
  • Nettsøknaden opnar 1. februar.
  • Søknadsfristen er 15. april (1. mars for nokre grupper).
  • På nettsidene til Samordna opptak finn du meir informasjon om fristar, krav, framgangsmåte og poengutrekning.

Gå til Samordna opptak

Søknadsfrist

  • Frist for å søkje er 15. april.
  • Nokre grupper treng søkje innan 1. mars (samordnaopptak.no).
  • Grunnstudia ved UiO har opptak ein gong i året. Dette gjeld også for program som har oppstart på både haust- og vårsemesteret (medisin, psykologi profesjon og rettsvitskap).
  • Du kan søkje på inntil 10 studium i prioritert rekkefølgje gjennom Samordna opptak.
  • Du kan omprioritere studieønska dine fram til 1. juli.

Når får du svar på søknaden?

Du får svar på søknaden din 20. juli, og du må svare innan 24. juli. Om du ikkje svarer, blir dette registrert som et nei.

Poenggrenser

Dei fleste studia på UiO har fleire søkjarar enn dei har studieplassar. Difor har dei poenggrenser, som er poengsummen til den søkjaren med lågast poeng som fekk studieplass i fjor. Poenggrensene varierer frå år til år, og vi veit ikkje kva poenggrensene kjem til å bli i neste opptak.

Poengutrekninga tek utgangspunkt i karakterane dine frå vidaregåande skulegang.

Kontakt

Knutepunktet - sentralt infosenter for søkjarar og studentar

Publisert 12. mai 2010 11:02 - Sist endra 20. okt. 2023 16:16