Merk at Veksthuset for livsvitskap har skifta namn til Veksthuset for verdiskaping. Artiklar skrivne før 2023 bruker gammalt namn.
Veksthuset for livsvitskap, helse og teknologi skal bidra til ein sterkare innovasjonskultur ved Universitetet i Oslo (UiO) slik at meir kunnskap frå forskinga blir teken i bruk. Ein ny møteplass for akademia og næringsliv er eit ledd i dette arbeidet.
Inspirasjon, sjølvtillit, kunnskap, nettverksbygging og samarbeid
På møteplassen skal forskarar og studentar ved UiO møte tilsette frå det offentlege, sjukehus, næringsliv, næringsklynger og inkubatorar i innovasjonsøkosystemet for livsvitskap. Målet er å inspirere; gje sjølvtillit og kunnskap om innovasjonsprosessar, hjelpe dei med å bygge nettverk og legge til rette for samarbeid mellom akademia og næringsliv.
Næringsklynger er samarbeidspartnarar
Møteplassane blir haldne på engelsk og har fått namnet innovation hangouts. Planen er å arrangere innovation hangouts i Forskingsparken fire gongar årleg. På kvart arrangement blir det inspirasjonsinnlegg, rollemodellinnlegg og matchmaking mellom akademia og næringsliv.
I 2022 er næringsklyngene Oslo Cancer Cluster, The Life Science Cluste og Norway Health Tech samt Legemiddelindustrien (LMI) medarrangørar:
- Sjå programmet og meld deg på innovation hangout #1 som vi arrangerer saman med Oslo Cancer Cluster 21. april.
Tema: Tomorrow´s treatment – advancing innovations from academia to industry in cancer and beyond. - Hald av 9. juni til innovation hangout #2 som vi arrangerer saman med Legemiddelindustrien (LMI).
- Hausten 2022 arrangerer vi innovation hangout #3 i samarbeid med The Life Science Cluster og innovation hangout #4 i samarbeid med Norway Health Tech.
Innovasjonstenester frå Veksthuset
Veksthuset for livsvitskap hjelper forskarar og studentar med å modne idear i tidleg fase. Vi har etablert ulike innovasjonstenester som skreddarsydd rettleiing, såkornmiddel og mentorprogram og samarbeider med heile innovasjonsøkosystemet for livsvitskap for å hjelpe forskarar og studentar best mogleg.