Veksthuset for verdiskaping – UiO si innovasjonseining for livsvitskap, helse og teknologi
1,5 millionar kroner til innovative UiO-forskarar frå Veksthuset for verdiskaping
Gratulerer til 16 forskingsgrupper ved Universitetet i Oslo som har fått såkornmidlar frå oss! Prosjekta dekkjer bredt. Dei fleste er innan helse, men vi har òg støtta prosjekt innan undervisning, miljø, cybersikkerheit og musikk. Forskarane skal bruke midlane til å vidareutvikle eigne innovasjonsidear med mål om at forskinga skal bli teken i bruk. Alle som søkte om såkornmidlar, får no tilbod om oppfølging frå Veksthuset.
Meld deg på innovasjonsmøteplass for akademia og næringsliv 27. april
Inspirasjonsinnlegg: Astrid Kristoffersen, PhD, forskings- og utviklingsdirektør DNV med ansvar for energi, maritim, helse, mat og verdikjeder, havrom og digital forsikring.
Rollemodellinnlegg: Vegard Vinje, PhD, konsulent Expert Analytics som har tenester innan vitskapleg og industriell dataanalyse og systemutvikling innan alt frå kreftforsking til vasskraft.
Matchmaking mellom forskarar og studentar og bedrifter som samarbeider med medarrangøren vår dScience eller er medlemmar av helseklynga Norway Health Tech og inkubatoren Aleap blant anna DNV, Expert Analytics, Norsk Regnesentral, SINTEF Digital og SynPlan. Fleire firma kjem til.
Med denne møteplassen ønsker vi å inspirere, gje sjølvtillit og kunnskap om innovasjonsprosessar og legge til rette for samarbeid som gjer at forsking blir teken i bruk og kjem pasientar og samfunnet til gode.
- Sjå programmet, og meld deg på!
Påmeldingsfrist: 24. april
Meld deg på Impact Breakfast 24. mai
I samarbeid med SINTEF og Forskningsparken inviterer Veksthuset for verdiskaping til frokostmøte om sensorar i framtidas helseteneste. Møt forskarar frå Universitetet i Oslo, Oslo universitetssjukehus og SINTEF samt oppstartsselskap frå helseinkubatoren Aleap som alle utviklar nye sensorløysingar for framtidas helseteneste.
Hald av 27. september til Science Impact 2023
Innovasjonskonferansen Science Impact 2023 – tomorrow's solutions start today er ein del av Oslo Innovation Week.
Framtidige utfordringar innan helse og miljø krev innovative løysingar med digitale verktøy som ein integrert del. Vi zoomar inn på menneskekroppen og dykkar ned i energiproduksjon og lagring for å gi deg banebrytande forsking og utvikling frå Universitetet i Oslo, Oslo universitetssjukehus, SINTEF, oppstartsselskap frå innovasjonsøkosystemet i Oslo og bedrifter.
Bootcamp for innovasjonsprosjekt
Veksthuset for verdiskaping er partnar når helseinkubatoren Aleap i Forskningsparken no køyrer pilot for sin bootcamp for innovasjonsprosjekt og oppstartsselskap. Fleire prosjekt i Veksthuset sin portefølje deltek på bootcampen der dei gjennom tre samlingar lærer meir om vegen frå idé til marknad.
Innovasjonsrådgivar i Veksthuset Beate Rygg Johnsen ga deltakarane ein introduksjon til Design Thinking første samlingsdag 12. april.
Idéprisen 2023
Har du ein idé til noko som kan bli til eit kommersielt produkt eller ei kommersiell teneste? Då kan du delta i konkurransen om å vinne Inven2 sin idépris for 2023. Hovudpremien på 250 000 kroner skal brukast til å utvikle idéen. Frist for å sende inn bidrag er 5. mai.
Kontakt oss om du har ein innovasjonidé i tidleg fase!
Vi byr på skreddarsydd rettleiing og støtte, inkludert såkornmidlar på inntil 200 000 kroner. Ta kontakt med oss dersom du vil diskutere korleis du kan gå vidare med innovasjonidéen din i tidleg fase.