Nyheitsbrev april 2025

Veksthuset for verdiskaping – UiO si innovasjonseining for livsvitskap, helse og teknologi.

1,7 millionar kroner til innovative UiO-forskarar

Forskarar som har fått tildeling — Bente Halvorsen, Helena Hrušková, Leon Reubsaet, Siva Krishna Vagolu, Tone Tønjum, Trond Vidar Hansen, Åsbjørn Schumacher Westvik, Claire Prendergast, Jorunn Stamnæs, Kishore Thapliyal, Liv Mathiesen, Marius Andre Skow, Osman Gani, Petra Ágota Szilágyi og Steven Ray Haakon Wilson.

I februar lyste Veksthuset ut såkornmidlar til forskarar ved UiO som vil vidareutvikle eigne innovasjonsidear med mål om at forskinga skal bli teken i bruk.

Vi fekk inn 30 søknader. Av desse får sju prosjekt no opptil 200 000 kroner og åtte prosjekt opptil 50 000 kroner. Vi gratulerer!

Alle søkjarane får tilbod om oppfølging frå Veksthuset.

Les meir om tildelinga.

Årsrapport 2024

Målet til Veksthuset for verdiskaping er at meir kunnskap frå forskinga ved UiO skal takast i bruk og kome samfunnet til gode.

Les om korleis vi har jobba med lågterskel-innovasjonstenester for å støtte innovative forskarar og studentar og styrke innovasjonskulturen ved UiO samt samarbeidd med innovasjonsøkosystemet i 2024.

Nye i Veksthuset for verdiskaping

Bildet kan inneholde: klær, hake, kinn, øyenbryn, panne.

Joachim Paasche er tilsett som senior innovasjonsrådgjevar i Veksthuset. Han har doktorgrad i farmakologi frå Det medisinske fakultet ved UiO og lang erfaring som seriegründer og rådgjevar innan kommersialisering av forsking. Han har bakgrunn frå både teknologioverføring og oppstartsselskap innan livsvitskap og teknologi. Joachim skal jobbe spesielt med Institutt for klinisk medisin ved Det medisinske fakultet.

Joseph Makokha er tilsett i 20 prosent stilling i Veksthuset for eitt år. Han er postdoktor ved entreprenørskapsgruppa ved Institutt for informatikk ved Det matematisk-naturvitskaplege fakultet. Han har lang erfaring med innovasjon og entreprenørskap og er ekspert på designtenking, som er ein metode for å utvikle produkt med utgangspunkt i brukarane sine behov.

Innovasjonsprisen 2025

Delta i Inven2 sin innovasjonskonkurranse Innovasjonsprisen 2025 (tidlegare Idéprisen). Konkurransen er open for tilsette ved Universitetet i Oslo og i Helse Sør-Øst. Hovudpremien er på 300 000 kroner. Frist 1. mai.

Les meir på Inven2 sine nettsider.

Husk at forskarar ved UiO som har ein idé, kan få rettleiing og støtte frå innovasjonsrådgjevarane i Veksthuset.

Ta kontakt via nettskjemaet vårt.

Hald av datoane for møteplassar for akademia og næringsliv

4. september: Innovation hangout

Stad: Forskingsparken i Oslo
Tid: kl. 17–20
Samarbeidspartnarar: The Life Science Cluster og Nansen Neuroscience Network

Besøk arrangementssida og hald av datoen.

22. oktober: Innovasjonskonferansen Science Impact

Vi arrangerer innovasjonskonferansen Science Impact for tredje gang saman med ei rekkje interne og eksterne partnarar. Konferansen er ein del av Oslo Innovation Week.

Stad: Forskingsparken i Oslo
Tid: kl. 8–17

Besøk konferansenettsida og hald av datoen.

Kontakt oss om du har ein innovasjonsidé i tidleg fase!

Vi byr på skreddarsydd rettleiing og støtte, inkludert såkornmidlar på inntil 200 000 kroner. Ta kontakt med oss dersom du vil diskutere korleis du kan gå vidare med innovasjonsidéen din i tidleg fase.

Les om innovasjonstenestene våre, og fyll ut kontaktskjema.

Meld deg på nyheitsbrevet vårt!

Følg oss på LinkedIn

Publisert: 23. april