Nyheitsbrev mai 2022
Veksthuset for livsvitskap er innovasjonseininga for livsvitskap, helse og teknologi ved Universitetet i Oslo. Vi hjelper forskarar og studentar med å modne idear i tidleg fase.
Påminning: Utlysingar finansiering for innovative forskarar og studentar innan livsvitskap, helse og teknologi – søknadsfrist 24. mai
Har du ein innovativ idé til eit produkt, ei teneste eller ein teknologi, men treng hjelp til å utvikle den vidare? Sjekk utlysingane våre!
Såkornmidlar I på opptil 50 000 kroner og såkornmidlar II på opptil 200 000 kroner for forskarar. Vi vil støtte totalt opptil 35 prosjekt.
Kven kan søke?: forskarar ved Universitetet i Oslo, Oslo universitetssjukehus og Akershus universitetssjukehus
Vi har òg tilskot til studentar på opptil 10 000 kroner. Vi vil støtte opptil 20 prosjekt.
Kven kan søke?: studentar ved Universitetet i Oslo
Merk at sentraladministrasjonen ved Universitetet i Oslo òg har ute utlysingar for såkornmidlar og innovasjonsmidlar for alle fagfelt. Søknadsfrist: 14. juni.
Meld deg på neste innovasjonsmøteplass for akademia og næringsliv 9. juni
Tema: Morgondagens medisin – avanserte terapiar, celleterapi, presisjonsmedisin og nukleærmedisin
Inspirasjonsinnlegg: Martin Haswell, leiar, Roche Norge
Rollemodellinnlegg: Frans Suurs, PhD, Scientia Fellow UiO, Institutt for kreftforsking, Oslo universitetssjukehus og Bayer
Matchmaking mellom forskarar og studentar og medlemsbedrifter i Legemiddelindustrien (LMI)
Med denne møteplassen ønsker vi å inspirere, gje sjølvtillit og kunnskap om innovasjonsprosessar og legge til rette for samarbeid som gjer at forsking blir teken i bruk og kjem pasientar og samfunnet til gode.
Sjå programmet på den engelske nettsida vår, og meld deg på!
Påmeldingsfrist: 7. juni
Hald av datoane!
- 8. september: innovation hangout #3 for akademia og næringsliv i samarbeid med The Life Science Cluster, Forskingsparken
- 18. august: arrangement i samarbeid med LMI, Innovasjon Noreg og Oslo Science City, Arendal
Søk om plass på hackathon om miljøutfordringar og sosialt samvær med Stanford University Knight-Hennessy Scholars 19.–20. juni
Er du ein master- eller PhD-student ved Universitetet i Oslo med eit engasjement for å løyse miljøutfordringar? Vil du kome i kontakt med internasjonale medstudentar for å utvide nettverket ditt? Då bør du ikkje gå glipp av denne unike moglegheita. Berre 30 plassar.
Les meir om arrangementa på den engelske nettsida vår, og søk om plass!
Søknadsfrist: 31. mai
Inspirerande internasjonal veke i Veksthuset for livsvitskap
I Noreg ser vi ofte til andre land når vi snakkar om innovasjon og næringsliv innan livsvitskap. Vi har enno mykje å lære av andre land, men det skjer òg mykje bra i innovasjonsøkosystemet for livsvitskap i Oslo som vi kan vere stolte av, og som andre er nysgjerrige på og vil lære av. I månadsskiftet april/mai var toppstudentar frå ETH Zürich og forskingsrådgivarar frå heile Europa på besøk for å lære meir om innovasjonsøkosystemet i den pulserande Forskingsparken samtidig som vi fekk inspirasjon til eige arbeid framover.
