Trekk frå eksamen
Du kan trekkje deg frå eksamen innan visse fristar for kvar eksamen. Dersom du trekkjer deg etter fristen eller under eksamen, har du brukt eit eksamensforsøk.
Før eksamen
For å trekkje deg før eksamen, trykk på det raude krysset ved eksamensmeldinga i StudentWeb.
Trekkfrist
Avhengig av eksamenstype, er fristen for å trekkje seg frå eksamen 2 veker før:
- den aktuelle eksamensdatoen
- den første eksamensdagen ved fleire eksamensdagar
- fristen for innlevering av semesteroppgåve eller tilsvarande
- datoen for utlevering av heimeeksamensoppgåve eller tilsvarande
- fristen for innlevering av siste oppgåve ved mappelevering eller anna form for vurdering gjennom undervisningsperioden
Trekk etter fristen vil gjelde som eit eksamensforsøk.
Klinisk ernæring, medisin og odontologi
For studieprogramma i klinisk ernæring, medisin og odontologi er det ingen frist for å trekkje seg frå eksamen. Manglande frammøte til eksamen utan gyldig forfall vert ikkje rekna som et eksamensforsøk og utløser ikkje rett til utsett eller ny eksamen. Kontakt fakultetets studieinformasjonssenter for meir informasjon.
Under eksamen
Dersom du ønskjer å trekkje deg under eksamen, får du informasjon i eksamenslokalet om korleis du skal gjere dette. Det gjeld eigne reglar for sjukdom ved eksamen.
Trekk under eksamen vil gjelde som eit eksamensforsøk.