OD8062 – Oral medisin
Skildring av emne
Timeplan, pensum og eksamensdato
Kort om emnet
Dette er eit fakultetsbasert emne. Emnet går annankvar vår i dei semestra der det ikkje er kjernepensum (partalsår).
Sjå studieretninga di under Oppbygging og gjennomføring for informasjon om emnet er obligatorisk eller valfritt for deg.
Kva lærer du?
Etter kurset skal kandidatane vera i stand til å identifisera den medisinske risikopasienten og kunne behandla denne på forsvarleg vis. Kandidatane skal ha kjennskap til dei vanlegaste oral medisinske tilstandane og vera i stand til identifisera pasientar med orale potensielt maligne tilstandar, oral cancer og korleis desse pasientane skal handterast.
Læringsmål
Kunnskapar:
Kandidaten skal etter endt undervisning ha tileigna seg kunnskapar om
- identifikasjon og handtering av den medisinske risikopasienten.
- dei vanlegaste oralmedisinske sjukdommar – ikkje infeksiøse så som after, lichen planus etc.
- infeksjonssjukdommar i munnhuleområdet
- orale manifestasjonar av systemiske sykdommer
- oral cancer
- salivasekresjon relatert til oral og generell helse
Opptak og tilgangsavgrensing
Studentar med opptak til spesialistprogrammet i odontologi.
Undervisning
Arbeidsform: Kurs.
Det er forventa at studentane førebur seg til undervisninga og gjer nødvendig etterarbeid.
Adgang til undervisning
Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.
Eksamen
Deltaking i undervisninga gir bestått emne.
Karakterskala
Emnet nyttar karakterskala bestått/ikkje bestått. Les meir om karakterskalaen.
Evaluering av emnet
Vi gjennomfører fortløpande evaluering av emnet, og med jamne mellomrom ber vi studentane delta i ei meir omfattande evaluering.