OD8460 – Klinisk praksis og avdelingsbaserte kurs 6
Timeplan, pensum og eksamensdato
Kort om emnet
Emnet består av ulike avdelingsbaserte kurs og klinisk praksis. Delane blir arrangerte av fagavdelinga for oral kirurgi og oral medisin i 6. semester.
Emnet er obligatorisk.
Kva lærer du?
Emnet skal halda fram spesialistutdanninga i oral kirurgi og oral medisin. I dette semesteret vil ein vektleggja generelle kirurgiske prinsipp. Akutte og persisterande smertar; diagnostikk og behandling.
Læringsmål
KUNNSKAPAR
- kan kirurgiske prinsipp for diagnostikk, behandling og oppfølging
- kan fysioterapeutiske behandlingsprinsipp
- kan neurofysiologiske smertebanar
- kan smerteteoriar
- kan ulike moglegheiter for førebygging og behandling av ulike typar smerta
FERDIGHEITER
- kan kvalitetsutvikling av oral kirurgisk og oral medisinsk behandling
- kan vurdera risiko i forhold til nytte ved ulike typar oralkirurgisk og oralmedisinsk behandling
- kan gi informasjon om postoperative forløp
- kan gi adekvat informasjon om opptrening etter kirurgi
- kan diagnostisera og behandla akutte og kroniske smerter
- kan diagnose og behandling av muskel- og kjeveleddrelaterte tilstandar
- kan injisering av anestesi og andre medikament i musklar og kjeveledd
- kan greia ut, diagnostisera og behandla orofaciale smerter i samarbeid med andre odontologiske og medisinske disiplinar, og kan delta i tverrfaglege smerteteam
- kan diagnostisera og behandla komplikasjonar etter ulike typar kirurgiske inngrep
- kan oralkirurgiske og oral medisinsk diagnostikk og behandling sjølvstendig
GENERELL KOMPETANSE
- kan utveksla synspunkt og erfaringar med andre helsepersonell
- kan gi informasjon om førekomst, årsaker og behandling av smerter på individ og gruppenivå
Opptak og tilgangsavgrensing
Studentar med opptak til spesialistprogrammet i oral kirurgi og oral medisin. Emnet kan ikkje takast som enkeltemne. Sjå òg om opptakskrav på programsida.
Forkunnskapar
Obligatoriske forkunnskapar
Emnet byggjer vidare på emnet OD8450 ved spesialistutdanninga i oral kirurgi og oral medisin.
Undervisning
Forelesingar, seminar og rettleidde klinisk oral kirurgisk og oralmedisinsk undersøking og behandling på IKO, UiO og Oslo Universitetssjukehus (Rikshospitalet og Ullevål). Randteneste i medisinske fag ved sjukehus kan variera når det gjeld til tidspunkt i utdanninga.
Hospitering 2 månader ved ei kirurgisk avdeling.
Det er forventa at studentane førebur seg til undervisninga og gjer etterarbeid.
Detaljert timeplan blir utarbeidd før kvart semester for heile semesteret og for kvar enkelt veke.
Sjå om lærings- og vurderingsmappe under Kva lærer du?
Obligatorisk arbeidskrav
Kandidaten skal i studiet bidra i den kliniske undervisninga av tannlege- og tannpleiarstudentar.
Det er arbeidskrav for emnet i form av presentasjonar av kasus og obligatoriske kliniske kurs, seminar og forelesingar.
Det er krav om 90 % deltaking ved rettleidd oralkirurgisk klinikk.
Klinisk praksis og kursdeltaking vurderast med bestått/ikkje bestått. Bestått arbeidskrav er ein føresetnad for bestått emne/semester.
Adgang til undervisning
Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.
Eksamen
Slutteksamen avhaldast i 10. semester.
Eksamensspråk
Eksamens- og arbeidskrav skal leverast på norsk eller skandinavisk.
Karakterskala
Emnet nyttar karakterskala bestått/ikkje bestått. Les meir om karakterskalaen.
Evaluering av emnet
Vi gjennomfører fortløpande evaluering av emnet, og med jamne mellomrom ber vi studentane delta i ei meir omfattande evaluering.