OD8490 – Klinisk praksis og avdelingsbaserte kurs 9
Timeplan, pensum og eksamensdato
Kort om emnet
Emnet består av ulike avdelingsbaserte kurs og klinisk praksis. Delane blir arrangerte av fagavdelinga for oral kirurgi og oral medisin i 9. semester.
Emnet er obligatorisk.
Kva lærer du?
Det er felles emnebeskriving for emna OD8490 og OD8495.
Emnet skal halda fram spesialistutdanninga i oral kirurgi og oral medisin. I 9. og 10. semester vil ein fokusera på oral- og maxillofacial diagnostikk og behandling på kjevekirurgisk avdeling på sjukehus.
Læringsmål
KUNNSKAPAR
- kan oppføra seg som profesjonell utøvar av spesialistområdet overfor pasientar og kollegaer
- har inngåande kunnskap om basal oral biologi, under dette saliva, tenner og tannberande strukturar, tyggjeapparatet og nærliggjande strukturar, anatomi, fysiologi og patologi og kraniofacial utviklingsbiologi
- har omfattande kunnskap innan farmakologi, inkludert medikamentbiverknader som kan ha konsekvensar for sjukdommar i munnhòla og medikament som kan påverka dei medikamenta me bruker i behandlinga vår
- har omfattande kunnskap om immunologiske prosessar, sjukdommar for er immunologisk fundert og behandling med medikament som påverkar inflammasjonsprosessen
- har omfattande kunnskap i mikrobiologi og sjukdommar som er mikrobiologisk fundert
- har omfattande kunnskap om sjukdommar som er genetisk fundert
- har kunnskap om prinsippa for kjeveleddkirurgi
- har kunnskap innan statistikk og forskingsmetode for sjølv å kunna planleggja, gjennomføra, vurdera og tolka eiga spesialistoppgåve, og dessutan på eit sjølvstendig grunnlag å analysera statistisk metode og tolking i vitskaplege artiklar
- har omfattande kunnskap om aktuell nasjonal og internasjonal litteratur og kan vurdera denne kritisk
- kunnskapene som kandidatane skal oppnå i løpet av studiet skal brukast til å gi pasientane til kvar tid diagnostikk, behandling og oppfølging som er evidens basert
- kunnskapane som kandidatane skal oppnå, skal gi pasientane ein etisk forsvarleg diagnostikk, behandling og oppfølging
FERDIGHEITER
- kan diagnostisera sjukdommar i tenner, kjevar og tilgrensande strukturar
- kan identifisera indikasjonar og kontraindikasjonar for kirurgisk behandling
- kan vurdera laboratorietestar (mikrobiologi, hematologi, patologi)
- kan utføra alle typar kirurgiske inngrep i tenner-, kjevar og tilgrensande strukturar
- kan kritisk vurdera faglitteratur
- spesialisten skal ta imot viste pasientar for rådgiving, avansert diagnostikk og nødvendig kirurgisk behandling
- kan utføra alle typar dentoalveolære inngrep
- kan behandla alle typar av kjeve-/ansiktsskadar, tannskadar og blautvevsskadar i munn og ansikt
- kan gjennomføra den kirurgiske delen av oral implantatprotetikk
- kan utføra blautvevsplastikkar og kjevekamsoppbygging
- kan i samarbeid med andre spesialistar greia ut og analysera bit-/kjeveanomaliar og utføra korrektive kirurgiske inngrep på kjevar
- kan diagnostisera og utføra konservativ behandling av kjeveleddlidingar
- kan gjennomføra punksjonsprosedyrar som injeksjonar i kjeveleddet
- kan greia ut, diagnostisera og behandla orofaciale smerter i samarbeid med andre odontologiske og medisinske disiplinar, og kan delta i tverrfaglege smerteteam
- kan diagnostisera og behandla orale munnhòlesjukdommar i samarbeid med medisinske spesialitetar innan dermatologi, ØNH, allergologi, immunologi, infeksjonsmedisin, revmatologi, indremedisin og pediatri
- kan diagnostisera, inkludert ta biopsi, og kirurgisk behandla benigne tumorar, under dette alle odontogene tumorar
- kan inngå i tverrfaglege team for behandling av maligne tumorar i munn-hovud- og halsregionen med oppgåver knytt til reseksjon, rekonstruksjon og rehabilitering
- kan behandla pasientar med komplisert allmennmedisinsk bakgrunn og er i stand til å diagnostisera orale manifestasjonar av ulike generelle sjukdommar
- kan føreskriva og trygt administrera alle medikament som er aktuelle innan odontologi.
- kan planleggja, gjennomføra, vurdera eigne forskingsprosjekt og framstilla dette skriftleg og munnleg
GENERELL KOMPETANSE
- kan samarbeide med andre spesialitetar (teamarbeid)
- kan presentera fagfeltet for andre personellgrupper og publikum
- kan gi råd/rettleiing til kollegaer innan fagområdet oral kirurgi og oral
- kan gi etterutdanningskurs for alt tannhelsepersonell
- kan gi klinisk rettleiing til studentar og spesialistkandidatar i oral kirurgi og oral medisin
Opptak og tilgangsavgrensing
Studentar med opptak til spesialistprogrammet i oral kirurgi og oral medisin. Emnet kan ikkje takast som enkeltemne. Sjå òg om opptakskrav på programsida.
Forkunnskapar
Obligatoriske forkunnskapar
Emnet byggjer vidare på emnet OD8480 ved spesialistutdanninga i oral kirurgi og oral medisin.
Undervisning
Forelesingar, seminar og rettleidde klinisk oral kirurgisk og oralmedisinsk undersøking og behandling på IKO, UiO og Oslo Universitetssjukehus (Rikshospitalet og Ullevål). Randteneste i medisinske fag ved sjukehus kan variera når det gjeld til tidspunkt i utdanninga.
Sjukehustenesta kan gå føre seg ved ein oral/kjevekirurgisk avdeling i Oslo eller ved eit anna sjukehus med oral/kjeve/maxillofacial kirurgisk avdeling i Noreg eller utanfor Noreg der UiO har utvekslingsavtale med.
Det er forventa at studentane førebur seg til undervisninga og gjer etterarbeid.
Detaljert timeplan blir utarbeidd før kvart semester for heile semesteret og for kvar enkelt veke.
Sjå om lærings- og vurderingsmappe under Kva lærer du?
Obligatorisk arbeidskrav
Kandidaten skal i studiet bidra i den kliniske undervisninga av tannlege- og tannpleiarstudentar.
Det er arbeidskrav for emnet i form av presentasjonar av kasus og obligatoriske kliniske kurs, seminar og forelesingar.
Det er krav om 90 % deltaking ved rettleidd oralkirurgisk klinikk.
Klinisk praksis og kursdeltaking vurderast med bestått/ikkje bestått. Bestått arbeidskrav er ein føresetnad for bestått emne/semester.
Adgang til undervisning
Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.
Eksamen
Slutteksamen avhaldast i 10. semester.
Eksamensspråk
Eksamens- og arbeidskrav skal leverast på norsk eller skandinavisk.
Karakterskala
Emnet nyttar karakterskala bestått/ikkje bestått. Les meir om karakterskalaen.
Evaluering av emnet
Vi gjennomfører fortløpande evaluering av emnet, og med jamne mellomrom ber vi studentane delta i ei meir omfattande evaluering.