OD8695 – Spesialisteksamen i pedodonti

Skildring av emne

• Kort om emnet
• Kva lærer du?
• Opptak og tilgangsavgrensing
• Forkunnskapar

• Undervisning
• Eksamen
• Evaluering av emnet

Kort om emnet

Emnet består av ulike avdelingsbaserte kurs og klinisk praksis. Delane blir arrangerte av fagavdelinga for pedodonti.
Emnet er obligatorisk.

Spesialisteksamen i pedodonti blir gjennomført i 6. semester. Oppmelding føreset bestått klinisk praksis og dessutan innlevert og godkjent spesialistoppgave.

Kva lærer du?

Hovudmålet er å gi spesialistkandidatar kunnskapar og ferdigheiter som er nødvendig for å kunne praktisere som spesialist i pedodonti. Spesialistar i pedodonti skal kunne ta hand om orale helseproblem i aldersgruppa 0-18 år som særleg kompliserte eller sjeldne pedodontiske kasus som blir vist frå tannlegar, pediatriske og barnepsykiatriske klinikkar eller andre instansar.

Spesialistkandidaten skal under rettleiing undersøkje, stille diagnose, utarbeide behandlingsplan på kort og lang sikt og behandle utvalde pasientar med spesielle pedodontiske og pediatriske problem, inklusive pasientar som har behov for behandling under sedasjon og generell anestesi.

6. semester inneheld følgjande tema:
- generell helse og oral helse
- oral helse i samfunn
- evaluere og nytte forsking i klinisk praksis

Læringsmål

KUNNSKAPAR OG  FERDIGHEITER

Kandidaten skal etter endt undervisning ha tileigna seg

• kunnskap om medisinske tilstandar som påverkar oral helse, og oral helse som påverkar generell helse
• kunnskap om kronisk sjukdom og alvorleg sjukdoms innverknad på oral helse hos barn og unge
• kunnskap om organisering av helsetenesta i Noreg og samfunnsodontologi
• kunnskap om «adverse childhood experiences» og betydning for oral helse
• god kunnskap om etikk
• kunnskap om korleis evaluere forsking
• kunnskap om skriving av forskingsartikkel

Opptak og tilgangsavgrensing

Studentar med opptak til spesialistprogrammet i pedodonti som har gjennomført og bestått alle forutgåande emne som krevst innan valgte fagretning.

Forkunnskapar

Obligatoriske forkunnskapar

Emnet byggjer vidare på emnet OD8650 ved spesialistutdanninga i pedodonti.

Undervisning

Undervisninga går føre seg som kliniske seminar, teoretiske seminar, gruppeundervisning, arbeidskurs og klinisk praksis.

Sjå om lærings- og vurderingsmappe under Kva lærer du?

Det er forventa at studentane førebur seg til undervisninga og gjer etterarbeid.

Den kliniske utdanninga inneber pasientbehandling både ved Avdeling for pedodonti og åtferdsfag og i Den offentlege tannhelsetenesta og dessutan ved TAKO-senteret, og skal gå føre seg kontinuerleg i alle tre studieår. I tillegg inngår klinisk rettleiing av studentar og teneste ved spesialinstitusjon eller hos spesialist.

Obligatorisk arbeidskrav

Kandidaten skal gjennom studiet bidra i den kliniske undervisninga av tannlege- og tannpleiarstudentar som føregår på avdelinga, både med formål om eigen klinisk læring og pedagogisk trening.

Alle kurs og seminar er obligatoriske. Klinisk praksis og kursdeltaking vurderast med bestått/ikkje bestått. Bestått arbeidskrav er ein føresetnad for bestått emne/semester.

Adgang til undervisning

Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.

Eksamen

Sjå om læringsmappe og vurderingsmappe under Evalueringsformer og eksamen.

Avsluttande praktisk, munnleg eksamen

Søknaden om å framstille seg til avsluttande eksamen må vere fakultetet i hende seinast 6 veker før eksamen er planlagd halden. Med søknaden frå fagavdelinga skal det følgje ei oversikt over klinisk verksemd (dokumenterte, behandla kasus), kurs, spesialistarbeid og melding frå vedkomande klinikk om at utdanninga er rekna fullført i samsvar med vedtekne krav. Spesialistarbeidet er eit vitskapleg arbeid normert til 500 timar, på eit nivå som kan publiserast i NTFs Tidende. Unntaksvis kan eit kompilatorisk arbeid eller eit dokumentert undervisningsopplegg godkjennast som spesialistarbeid.

• Med søknaden om å framstille seg til eksamen skal framlegget på klinikken til eksamenskommisjon følgje med, gjerne med opplysningar om at sensor har sagt seg villig til å ta oppdraget.
• Det blir gitt skriftleg melding til eventuelle kandidatar som ikkje kan få framstille seg til eksamen, med kopi til klinikken.
• Fakultetet utferdar diplom/vitnemål til dei som har bestått avsluttande eksamen.

Etter fullført utdanning tek du ein praktisk muntleg eksamen før du mottek vitnemål for gjennomført spesialiststudium. 

Søknad om framstilling til eksamen

Søknad frå fagavdelinga om at du skal få høve til å framstille deg for avsluttande eksamen, må vere fakultetet i hende seinast seks veker før eksamen. Med søknaden skal det følgje ei oversikt over:

• klinisk verksemd (dokumenterte, behandla kasus)
• kursbevis
• klinisk vurderingsmappe for utført spesialistarbeid
• melding frå vedkommande fagavdeling om at utdanninga blir rekna som fullført i samsvar med vedtekne krav. 

Fakultetet skal gi skriftleg melding til ein kandidat som ikkje kan få framstille seg til eksamen.

Eksamenskommisjon

Forslaget fagavdelinga har til eksamenskommisjon skal leggjast ved søknaden om framstilling til eksamen, med stadfesting på at sensor har sagt seg villig til å ta oppdraget. Dersom eksamen medfører utgifter til reiser, opphald m.m. som blir søkt dekt, må dette oppgivast i søknaden.

Karakterskala

Emnet nyttar karakterskala bestått/ikkje bestått. Les meir om karakterskalaen.

Evaluering av emnet

Vi gjennomfører fortløpande evaluering av emnet, og med jamne mellomrom ber vi studentane delta i ei meir omfattande evaluering.