7. Homunculus e nive

Pueri e lecto bene mane surrexerant. Nam nix tota nocte ceciderat, et solum nive coopertum erat. Nix advenit! Nix advenit! pueri exclamabant.

Parentes autem monebant: Nolite pilas niveas in vicem conicere! Homunculum e nive potius efficite!

Ita homunculus e nive fiebat. Carota nasus erat, qui recte exstabat. Rami arboris bracchia erant, quae a dextra et a laeva recte exstabant.

Homunculus e nive late subridebat. Non curabat solem aestatemque. Adhuc longe aberant.