Om du er logga inn på ei Linux-maskin på Universitetet i Oslo, skal du alt ha bofh installert på denne. Du treng då ikkje å logge inn på ei fellesmaskin.
Starte ein terminal
bofh har eit kommandolinje-grensesnitt, og er meint å køyre i ein terminal-emulator. I dette dømet viser vi korleis dette kan gjerast i ein standardinstallasjon av Fedora. Framgangsmåten for å starte ein slik terminal kan vere ulik for deg, dersom du har ein annan Linux-distribusjon eller eit anna oppsett.
- Finn aktivitetsknappen oppe i det venstre hjørnet på skrivebordet, og klikk på denne
- Skriv inn «Terminal» i søkefeltet, og klikk på programmet «Terminal» som dukkar opp under søkefeltet
Logge inn på ei fellesmaskin
Bofh er installert på fellesmaskiner på UiO – så neste steg vil vere å logge inn på ei slik fellesmaskin. Om du brukar ei Linux-maskin som vert vedlikehaldt av Universitetet i Oslo, skal bofh alt vere installert på denne. Du kan då hoppe over dette steget.
ssh ditt-uio-brukarnamn@login.uio.no
Du vil bli spurd om å taste inn passordet ditt. Dette er det UiO-passordet som du òg bruker til å logge inn på mange andre tenester ved UiO, til dømes e-post eller brukerinfo.
Starte bofh
Du skal no vere på ei maskin der bofh-klienten er installert. Du startar denne ved å skrive inn kommandoen:
bofh
Bofh vil då starte, og du vil bli spurd om å taste inn passordet ditt. Du bruker det vanlege UiO-passordet ditt.
Om du får meldinga:
Error: CerebrumError: Unknown username or password
så har du mest sannsynleg tasta inn feil passord. Du må då starte bofh på nytt for å prøve igjen. Om du framleis ikkje får logga inn, og er heilt sikker på at du bruker riktig UiO-brukarnavn og passord, kan brukarkontoen din vere sperra av ulike årsaker. Ta då kontakt med din lokale IT-ansvarlege.
Ring oss
Vi har åpent mellom 08:30 og 17:00 på hverdager,
og mellom 10:00 og 15:00 på lørdager.
Telefonnummer: 22 84 00 04
Send inn sak til oss
Du kan sende inn din forespørsel via e-post til: it-support@uio.no.
Gå til e-postBook et videomøte over Zoom
Er du student eller ansatt kan du avtale veiledningstime hos UiO Helpdesk over Zoom. Tilgjengelige tider er tirsdag til torsdag mellom 11:00 og 13:00.
Book et videomøte