Kva må graden innehalde?
Examen philosophicum / examen facultatum
- Alle gradene skal innehalde examen philosophicum (10 studiepoeng).
- Dersom emnegruppa med minst 80 studiepoeng er i kultur- og samfunnsfag, skal graden også innehalde examen facultatum (10 studiepoeng).
- Dersom emnegruppa med minst 80 studiepoeng er i realfag, treng du ikkje examen facultatum i graden.
Emnegruppe med minst 80 studiepoeng (fordjuping)
- Den faglege fordjupinga må vere ei emnegruppe med til saman minst 80 studiepoeng.
- Fakultetet fastset krava til emnegruppene som kan inngå. Du kan ikkje sette saman di eiga emnegruppe, men må halde deg til dei obligatoriske og valfrie emna som allereie finst i gruppa du vel. Sjå liste over emnegrupper ved UiO.
- Det er fastsett eigne krav for studentar med fordjuping i klinisk ernæring, medisin, odontologi, psykologi, rettsvitskap, samfunnsøkonomi eller tannpleie.
- Eldre fordjupingar/emnegrupper som ikke står på nettsidene kan i nokre tilfelle også brukast. Har du til dømes fullført eit tidlegare mellomfag (90 studiepoeng), kan dette dekkje kravet til 80-gruppe.
- Gradstittelen blir avgjort av den faglege fordjupinga, den blir enten "Bachelor i kultur- og samfunnsfag" eller "Bachelor i realfag".
Emnegruppe med minst 40 studiepoeng (støttegruppe)
- Du kan bruke alle 40-grupper frå heile UiO. Støttegruppa må ordinært vere innanfor eit anna fagområde enn fordjupinga.
- Fakultetet fastset krava til emnegruppene som kan inngå. Du kan ikkje sette saman di eiga emnegruppe, men må halde deg til dei obligatoriske og valfrie emna som allereie finst i gruppa du vel. Sjå liste over emnegrupper ved UiO.
- Har du fullført eit tidlegare grunnfag, ei årseining eller tilsvarande, kan dette dekkje kravet til 40-gruppe.
Valfrie emne
- Graden kan innehalde inntil 40 studiepoeng valfrie emne. Dersom det ikkje er krav om examen facultatum, kan graden innehalde inntil 50 studiepoeng valfrie emne.
- Dersom dei andre komponentane i graden er større enn det kravet tilseier, blir kravet til valfrie emne redusert tilsvarande.
Krav til antall studiepoeng avlagt ved UiO
For å få ein bachelorgrad frå UiO, må minst 60 studiepoeng i graden vere avlagt her. Utover dette kan du søkje om godkjenning av utdanning frå andre institusjonar.
Studentar som har utdanning frå fleire institusjonar bør undersøkje krava til bachelorgrad også ved dei andre institusjonane.
Dersom du allereie har ein bachelorgrad frå UiO, må den nye graden innehalde minst 60 studiepoeng frå UiO som ikkje er brukt i ein tidlegare grad. Den nye graden må også ha ei anna fordjuping enn den tidlegare graden. Dei 60 nye studiepoenga kan inngå i den nye fordjupinga eller på andre måtar.
Digitale vitnemål
Du får eit digitalt vitnemål. Du finn det digitale vitnemålet som digitalt signert pdf i dokumentarkivet i Studentweb. Du kan også dele det med andre via Vitnemålsportalen. Du loggar på Studentweb og Vitnemålsportalen med ID-porten.
Vitnemål på papir og adresse
Dersom du har fått digitalt vitnemål, men får behov for å vise fram eit vitnemål på papir, kan du be om å få eit papirvitnemål. Kontakt studieinformasjonssenteret på fakultetet for å bestille dette. Ikkje bestill papirvitnemål før behovet oppstår.
Du kan få papirvitnemål dersom du ikkje har norsk fødselsnummer eller D-nummer og såleis ikkje kan logge på Studentweb eller Vitnemålsportalen med ID-porten. Du kan også få papirvitnemål dersom du treng å sende dokumentasjon til utanlandske utdanningsinstitusjonar eller arbeidsgjevarar som ikkje aksepterer digitale vitnemål.
Vitnemål på papir blir sendt til semesteradressa di. Hugs å endre adresse dersom du flyttar når du er ferdig som student. Du oppdaterer adressa di sjølv i Studentweb.
Diploma supplement
Når du får vitnemål for ein grad, får du også eit vitnemålstillegg på engelsk. Dersom du får digitalt vitnemål, vil du også få digitalt vitnemålstillegg.
Vitnemålstillegget følgjer ein europeisk standard og inneheld mellom anna ei forklaring av det norske utdanningssystemet.
Studentar som fekk vitnemål før ein tok til å leggje ved diploma supplement, kan bestille dette særskilt: skjema på bokmål / skjema på nynorsk.
Send søknad
Spørsmål?
Kontakt studieinformasjonssenteret på fakultetet.