Emnet er på 30 studiepoeng og blir gjennomført i masterprogrammet i museologi og kulturarv, tredje semester. Praksisperioden er normalt i tidsrommet 1. september til 30. november. I denne perioden jobber du på praksisplassen fire dagar i veka.
Den resterande tida er satt av til sjølvstudium. Du skal også delta på obligatoriske heildagssamlingar før og under praksisopphaldet ved UiO. Informasjon om undervising og eksamen blir publisert på semestersida mot slutten av mai.
Oversikt over aktuelle praksisplassar blir lagt ut under "Informasjon om praksisplassar" nedanfor, i byrjinga av andre semester. Der finn du også informasjon om tidlegare praksisplassar. Det er mogleg å ordne eigne praksisavtalar, samt å ta praksis i utlandet. Sjå også HF sine nettsider om praksis på Museologi og kulturarvstudier.
Søk praksisplass her: nettskjema
Søknadsfrist hausten 2024: 15. mars 2024
Informasjon om praksisplassar
Nedanfor finn du informasjon om praksisplassar som har blitt og blir tilbydd. Dokumentet inneheld også skildringar av aktuelle arbeidsoppgåver, men merk at institusjonane kan gjera endringar.
- Praksisperioden hausten 2024 (PDF)
- Praksisperioden hausten 2023 (PDF)
- Praksisperioden hausten 2022 (PDF)
Eigne praksisavtalar
Viss du har eit godt grunngjeve ønske om praksis ved eit anna museum eller kulturarvinstitusjon kan du inngå en individuelle avtale. Ta kontakt med studentinfo@ikos.uio.no for å avklarine dette.
Du må da sjølv koordinere opptaksprosessen med din praksisinstiusjon. Vi anbefaler at du sender dei praksiskontrakten og lenke til emneskildringa.
Praksis i utlandet
Viss du vil gjennomføre praksis i utlandet, kan du søke om praksisopphold i Erasmus+ Ta kontakt med studentinfo@ikos.uio.no om dette er aktuelt for deg.
Søknadsprosedyre
Berre programstudentar på masterprogrammet i museologi og kulturarvstudiar kan søkja på praksisplass.
Søknad skal bli sendt inn via nettskjema innan søknadsfristen. Søknaden skal innehalde følgande:
- Søknadsbrev – èi A4-side
- CV – èi A4-side
Sett opp tre alternativ i rangert rekkjefølge i nettskjemaet. Skriv søknad med utgangspunkt i førstevalet. Viss mange søkjer på samme praksisplass kan det bli behov for at du skriv fleire søknadar. Vi vil gi beskjed om dette er tilfellet.
Studiekonsulenten vidaresender søknadar, CV og studentane sin kontaktinformasjon (UiO e-post) til dei aktuelle praksisplassane. Praksisplassane kan velje å gjennomføre intervju med aktuelle kandidatar. Ved fleire søkjarar enn plassar vil institusjonen ta den endelege avgjersla.
Signering av kontrakt skjer direkte mellom deg og praksisinstitusjonen når tilbodet føreligg. Du blir fortlaupande orientert om tilbud eller eventuelt avslag. Når prosessen er ferdig og kontrakten er signert, må du hugse å levere kontrakten til oss for registrering og signering ved instituttet (IKOS).
Praksiskontrakt
Praksiskontrakten blir sendt frå instituttet til praksisinstitusjonen under opptaksprosessen. Etter at praksisinstitusjonen har signert, blir kontrakten vidaresendt til studenten. Studenten leverer signert versjon til IKOS, som sender tilbake signert versjon til praksisinstitusjonen og studenten.
Spørsmål om praksis i museologi og kulturarv?