Meir om WebID

I WebID kan kven som helst registrere seg og opprette sin eigen WebID-brukar. For at brukaren skal få tilgang til ei teneste må IT-avdelinga opprette ei WebID-gruppe og legge inn dei som skal samarbeide i denne gruppa. Deretter må gruppa gjes tilgang i den spesifikke tenesta.

Merk at det ikkje er alle tenester som støtter WebID.

Starten på eit samarbeid

Ein tenkt situasjon er at ein Feide-brukar vil samarbeide med nokre eksterne personar, men vil gjerne bruke eit arbeidsverktøy ved UiO som krever innlogging, til dømes Vortex. For å kunne samarbeide må da følgande utførast:

1. Feide-brukaren ber dei eksterne personane lage seg ein WebID-brukar.
2. Feide-brukaren søkjer om å opprette ei WebID-gruppe for samarbeidet, via dette søknadskjema. IT-avdelinga må legge inn WebID-brukarane i gruppa.
3. Gruppa må få rettigheter i nettenesta den skal brukast i. Nokon som administrerer nettenesta må gjere dette. I Vortex kan gruppa til dømes få skriverett til eit område der samarbeidsdokumenta skal ligge. Merk at ei gruppe må innehalde medlem for at den skal vere synlig i dei ulike nettenestene.

Implementer WebID

Er du eigar av ei teneste og ønsker å ta i bruk WebID?

Les meir om implementering av WebID.