Slik søkjer du opptak til grunnstudier
Opptak til bachelorprogram, årseiningar, femårige masterprogram og andre studieprogram på lågare grad er nasjonalt samordna gjennom Samordna opptak. Det vil seie at alle søknadar om opptak til slike studier skal gå via Samordna opptak.
Hovudfristen for å søkje er 15. april, men visse søkjargrupper må søkje innan 1. mars (samordnaopptak.no).
Hos Samordna opptak finn du nettsøknad og alt du treng av informasjon i samband med søkjing.
Opptakskrav
For å bli student ved UiO må du normalt ha generell studiekompetanse. I tillegg er det krav om visse fag frå vidaregåande skule, altså spesielle opptakskrav, for opptak til mellom anna medisin, odontologi, ernæring, farmasi, informatikk og realfag. Søkjarar som er 25 år eller eldre, og som ikke har generell studiekompetanse, kan få vurdert om de er kvalifisert for opptak til enkeltstudie på bakgrunn av realkompetanse.
Rangering
Dei fleste studium ved UiO er adgangsregulerte med opptak ein gong i året. Det betyr at ikkje alle som søkjer får studieplass. Søkjarane blir rangert etter poeng. Reglar for rangering (Lovdata) er gitt av Kunnskapsdepartementet. Samordna opptak informerer om korleis du kan rekne ut poenga dine (Samordna opptak).
Internasjonale søkjarar
Ikkje-nordiske søkjarar utan permanent opphaldsløyve, eller løyve som kan danne grunnlag for busettingsløyve, har eigne opptak utenom Samordna opptak. Informasjon om fristar, opptakskrav og søknadsprosedyrer finn du på nettsida for internasjonale studentar.