– Kompetansen i den rådgivande leiargruppa skal dekke fagstrategien for satsinga så godt som mogleg utan at gruppa blir for stor. Det er viktig å få ei gruppe som tenker heilskapleg på satsinga. Medlemmane skal ikkje slåst for interessene for si eining, men løfte blikket og finne nokre felles mål for satsinga, seier Johansen.
Innspel til vidare prosess for å etablere konvergensmiljø
Den første oppgåva gruppa går i gang med, er å gi innspel til den vidare prosessen med å etablere konvergensmiljø – tverrfaglege forskingsgrupper. Her er satsinga midt i ein runde med innleiande informasjons- og dialogmøte ved alle institutta/fakulteta ved UiO. Planen er å fortsetje med workshopar der forskarar skal møtast på tvers av fagdisiplinane. Deretter kan dei som ønskjer å jobbe saman, søke om økonomisk støtte til konvergensmiljø som vil få 3–4 stipendiatstillingar kvar. Les meir om møta og foreløpige planar for vidare prosess. Meir informasjon kjem etter 21. juni når alle møta er gjennomførte, og den rådgivande leiargruppa har kome med innspel til prosessen.
Medlemmar i den rådgivande leiargruppa
Helge Jordheim |
Pål Kraft |
Inger Sandlie |
Anne Maria Eikeset |
Anders Malthe-Sørenssen |
Arne Klungland |
Hanne Flinstad Harbo |
Eivind Engebretsen |
Frå satsinga møter kommunikasjonsrådgivar og administrativ leiar i tillegg til direktør.