ISL4101 – Islandsk 4 , fordjuping i moderne islandsk språk
Kort om emnet
ISL4101 er ein utvida versjon av emnet ISL4100 – Islandsk 2, fordjuping i moderne islandsk språk.
Emnet er ei fordjuping i islandsk grammatikk, særleg syntaks, og lesing av lettare litterære tekster, særleg noveller og dikt, med innføring i islandsk litteraturhistorie og moderne islandsk kultur knytt til tekstgjennomgåing. Innenfor emnet skal kvar student velja eit spesialområde til fordjuping.
Pensum: sjå emnesida for det semesteret emnet blir undervist. Pensum til spesialområdet kjem i tillegg.
Kva lærer du?
Studenten blir i stand til å omsetja og analysera kjende tekster av normal vanskegrad både morfologisk og syntaktisk og setja dei inn i ein kulturell samanheng. Innanfor det valde spesialområdet skal studenten ha særleg grundige kunnskapar.
Opptak og tilgangsavgrensing
Studentar må kvart semester søkje og få plass på undervisninga og melde seg til eksamen i Studentweb.
Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.
Forkunnskapar
Obligatoriske forkunnskapar
Opptak til Språkprogrammet, studieretningane for nordisk, særleg norsk, språkvitskap eller norrøn filologi. Studentane må ha tatt ISL1100 – Islandsk 1, innføring i moderne islandsk språk eller ha tilsvarande kunnskapar.
Anbefalte forkunnskapar
Det er ein føremon å ha teke lingvistikkvarianten av examen facultatum.
Undervisning
Seminar med 2 timar i veka i 15 veker, inkludert leseveker. To kvalifiseringsoppgåver skal vera godkjende av faglærar før studenten kan gå opp til eksamen. Den eine oppgåva, ein analyse på ca. 8000 utan mellomrom (3-4 sider) av ei oppgjeven tekst, vert gjennomgått i undervisninga omkring midten av semesteret. Den andre, på ca. 15.000 teikn med mellomrom (6-7 sider), er ei øving i omsetjing under rettleiing, av ei sjølvvald tekst som faglærar godkjenner.
Adgang til undervisning
Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.
Eksamen
Eksamen består av ei semesteroppgåve på ca. 23.000 teikn utan mellomrom (10 sider). Tema for semesteroppgåva tek utgangspunkt i pensum og blir fastsett av student og faglærar i samarbeid seinast midt i semesteret. Målform: bokmål eller nynorsk. Oppgåva skal leverast innan fastsett dato i slutten av semesteret og blir vurdert med gradert karakterskala av oppnemnd sensor.
Karakterskala
Emnet nyttar karakterskala frå A til F, der A er beste karakter og F er stryk. Les meir om karakterskalaen.
Grunngjeving og klage
Tilgang til ny eller utsett eksamen
Trekk frå eksamen
Det er mogleg å ta eksamen i emnet inntil tre gonger. Dersom du trekkjer deg frå eksamen etter fristen eller under eksamen, brukar du eit eksamensforsøk.
Tilrettelagt eksamen
Søknadsskjema, krav og frist for tilrettelagd eksamen.
Evaluering av emnet
Vi gjennomfører fortløpande evaluering av emnet, og med jamne mellomrom ber vi studentane delta i ei meir omfattande evaluering.
Anna
Emnet passar i Språkprogrammet, studieretningane for nordisk, særleg norsk, språkvitskap og norrøn filologi.