OD8350 – Klinisk praksis og avdelingsbaserte kurs 5

I dette semesteret blir halde fram det med kliniske og teoretiske seminar, og dessutan pasientbehandling. Det blir halde fram med litteraturseminar om kjeveortopedisk behandling ved temporomandibulær dysfunksjon og diverse sjeldne sjukdommar. Spesialistkandidatane deltek i planlegginga og gjennomføringa av kjeveortopedisk undervisning for tannpleiarstudentar, tannlegestudentar og tannlegar.

Læringsmål

Same læringsmål som i 1. og 2. studieår. Kandidaten skal etter endt undervisning i tillegg ha tileigna seg kunnskaper og ferdigheiter til sjølvstendig å kunna vurdere behov for kjeveortopedisk behandling på individ og samfunnsnivå

Spesialistprogrammet i odontologi er eit heiltidsstudium. Sjå om lærings- og vurderingsmappe under Kva lærer du?

Gruppeundervisning: teoretiske og kliniske seminar, klinisk praksis og eventuelt gjesteforelesingar. Kandidatane skal presentere utvalde artiklar for dei andre kandidatane og instruktørane.

Det er forventa at studentane førebur seg til undervisninga og gjer etterarbeid.

Obligatorisk arbeidskrav

Kvar teoretiske seminarrekkje blir avslutta med ei prøve som vurderast med bestått/ikkje bestått. Det er obligatorisk å bestå alle prøvene før slutteksamen i 6. semester.

Kandidaten skal gjennom studiet bidra i den kliniske undervisninga av tannlege- og tannpleiarstudentar som føregår på Avdeling for kjeveortopedi, både med formål om eigen klinisk læring og pedagogisk trening.

Alle kurs og seminar er obligatoriske. Klinisk praksis og kursdeltaking vurderast med bestått/ikkje bestått. Bestått arbeidskrav er ein føresetnad for bestått emne/semester.

Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.