OD8490 – Klinisk praksis og avdelingsbaserte kurs 9

Emnet består av ulike avdelingsbaserte kurs og klinisk praksis. Delane blir arrangerte av fagavdelinga for oral kirurgi og oral medisin i 9. semester.

Emnet er obligatorisk.

Læringsmål

KUNNSKAPAR

• kan oppføre seg som profesjonell utøvar av spesialistområdet overfor pasientar og kollegaer
• har inngåande kunnskap om basal oral biologi, under dette saliva, tenner og tannberande strukturar, tyggjeapparatet og nærliggjande strukturar, anatomi, fysiologi og patologi og kraniofacial utviklingsbiologi
• har omfattande kunnskap innan farmakologi, inkludert medikamentbiverknader som kan ha konsekvensar for sjukdommar i munnhòla og medikament som kan påverke dei medikamenta me bruker i behandlinga vår
• har omfattande kunnskap om immunologiske prosessar, sjukdommar som er immunologisk fundert og behandling med medikament som påverkar inflammasjonsprosessen
• har omfattande kunnskap i mikrobiologi og sjukdommar som er mikrobiologisk fundert
• har omfattande kunnskap om sjukdommar som er genetisk fundert
• har kunnskap om prinsippa for kjeveleddkirurgi
• har kunnskap innan statistikk og forskingsmetode for sjølv å kunna planleggje, gjennomføre, vurdere og tolke eiga spesialistoppgåve, og dessutan på eit sjølvstendig grunnlag å analysere statistisk metode og tolking i vitskaplege artiklar
• har omfattande kunnskap om aktuell nasjonal og internasjonal litteratur og kan vurdere denne kritisk
• kunnskapane som kandidatane skal oppnå i løpet av studiet skal brukast til å gi pasientane til ein kvar tid diagnostikk, behandling og oppfølging som er evidensbasert
• kunnskapane som kandidatane skal oppnå, skal gi pasientane ein etisk forsvarleg diagnostikk, behandling og oppfølging

FERDIGHEITER

• kan diagnostisere sjukdommar i tenner, kjevar og tilgrensande strukturar
• kan identifisere indikasjonar og kontraindikasjonar for kirurgisk behandling
• kan vurdere laboratorietestar (mikrobiologi, hematologi, patologi)
• kan utføre alle typar kirurgiske inngrep i tenner, kjevar og tilgrensande strukturar
• kan kritisk vurdere faglitteratur
• spesialisten skal ta imot tilviste pasientar for rådgiving, avansert diagnostikk og nødvendig kirurgisk behandling
• kan utføre alle typar dentoalveolære inngrep
• kan behandle alle typar av kjeve-/ansiktsskadar, tannskadar og blautvevsskadar i munn og ansikt
• kan gjennomføre den kirurgiske delen av oral implantatprotetikk
• kan utføre blautvevsplastikkar og kjevekamsoppbygging
• kan i samarbeid med andre spesialistar greie ut og analysere bit-/kjeveanomaliar og utføre korrektive kirurgiske inngrep på kjevar
• kan diagnostisere og utføre konservativ behandling av kjeveleddlidingar
• kan gjennomføre punksjonsprosedyrar som injeksjonar i kjeveleddet
• kan greie ut, diagnostisere og behandle orofaciale smerter i samarbeid med andre odontologiske og medisinske disiplinar, og kan delta i tverrfaglege smerteteam
• kan diagnostisere og behandle orale munnhòlesjukdommar i samarbeid med medisinske spesialitetar innan dermatologi, ØNH, allergologi, immunologi, infeksjonsmedisin, revmatologi, indremedisin og pediatri
• kan diagnostisere, inkludert ta biopsi, og kirurgisk behandle benigne tumorar, under dette alle odontogene tumorar
• kan inngå i tverrfaglege team for behandling av maligne tumorar i munn-hovud- og halsregionen med oppgåver knytt til reseksjon, rekonstruksjon og rehabilitering
• kan behandle pasientar med komplisert allmennmedisinsk bakgrunn og er i stand til å diagnostisere orale manifestasjonar av ulike generelle sjukdommar
• kan føreskrive og trygt administrere alle medikament som er aktuelle innan odontologi.
• kan planleggje, gjennomføre, vurdere eigne forskingsprosjekt og framstille dette skriftleg og munnleg

GENERELL KOMPETANSE

• kan samarbeide med andre spesialitetar (teamarbeid)
• kan presentere fagfeltet for andre personellgrupper og publikum
• kan gi råd/rettleiing til kolleger innan fagområdet oral kirurgi og oral medisin
• kan gi etterutdanningskurs for alt tannhelsepersonell
• kan gi klinisk rettleiing til studentar og spesialistkandidatar i oral kirurgi og oral medisin

Forelesingar, seminar og rettleidd klinisk oral kirurgisk og oralmedisinsk undersøking og behandling på IKO, UiO og Oslo Universitetssjukehus (Rikshospitalet og Ullevål). Randteneste i medisinske fag ved sjukehus kan variere når det gjeld tidspunkt i utdanninga.

Sjukehustenesta kan gå føre seg ved ein oral/kjevekirurgisk avdeling i Oslo eller ved eit anna sjukehus med oral/kjeve/maxillofacial kirurgisk avdeling i Noreg eller utanfor Noreg der UiO har utvekslingsavtale. Det er forventa at studentane førebur seg til undervisninga og gjer etterarbeid.

Detaljert timeplan blir utarbeidd før kvart semester for heile semesteret og for kvar enkelt veke.

Sjå om lærings- og vurderingsmappe under Kva lærer du?

Obligatorisk arbeidskrav

Kandidaten skal i studiet bidra i den kliniske undervisninga av tannlege- og tannpleiarstudentar.

Det er arbeidskrav for emnet i form av presentasjonar av kasus og obligatoriske kliniske kurs, seminar og forelesingar.

Det er krav om 90 % deltaking ved rettleidd oralkirurgisk klinikk.

Klinisk praksis og kursdeltaking vurderast med bestått/ikkje bestått. Bestått arbeidskrav er ein føresetnad for bestått emne/semester.

Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.