RETKOM4109 – Skriftkultur i ei digital tid

Timeplan, pensum og eksamensdato

Kort om emnet

Vi lever i ein skriftkultur som er sterkt prega av digital teknologi. På dette emnet drøfter vi kva for moglegheiter og fordelar det gir for lesing, skriving og bruken av skriftleg kommunikasjon, vi drøfter òg kva for utfordringar skriftkulturen blir stilt overfor av denne teknologien. Drøftingane vil ta utgangspunkt i eksempel frå nåtid og fortid, og vi tek opp tema som til dømes teknologisk utvikling, literacy, kognitive prosessar, samfunnsdeltaking og tekstkompetanse. Empiriske eksempel blir henta frå pågåande forsking i faggruppa Retorikk og språkleg kommunikasjon, og vil variere frå år til år.

Kva lærer du?

Når du har gjennomført dette emnet, kan du:

  • analysere tekstkompetansen og tekststrategiane som ligg i og blir brukt i ulike delar av samfunnet
  • bedømme korleis skriftkultur, medium og teknologi heng saman
  • gå inn i ulike punktstudium og finne fram til relevante faktorar for å undersøkje eit forskingsspørsmål
  • gjere undersøkingar knytt til ei problemstilling, hente inn og strukturere informasjon og presentere han med argument og på ein overtydande måte

Opptak til emnet

Studentar må kvart semester søkje og få plass på undervisninga og melde seg til eksamen i Studentweb.

Emnet kan tas av studenter på Nordiske studier (master) og Lektorprogrammet (master). Studentar tatt opp til andre masterprogram, kan etter søknad få adgang til emnet dersom dette er klarert med eiga program.

Dersom du ikkje allereie har studieplass ved UiO, kan du søkje om opptak til våre studieprogram.

Undervisning

Det blir gitt 20 timar undervising fordelt på 10 seminar.

Det er 3-5 obligatoriske aktivitetar knytt til emnet. Desse er både skriftlege og munnlege og krava blir gjort greie for i starten av kvart semester. Dei obligatoriske aktivitetane må gjennomførast for å kvalifisere til å ta eksamen.

Eksamen

Eksamen er prøveforelesing.

Kandidatane som har kvalifisert seg til eksamen (sjå obligatorisk aktivitet ovanfor) får utlevert eit tema knytt til pensum og læringsmåla på emnet, to veker før eksamen.

Eksamen blir gjennomført som ein konferanse. Kandidatane skal utarbeide og framføre eit akademisk foredrag (konferanseinnlegg) på 20 minutt. Etter foredraget er det 10 minutt til spørsmål frå publikum og sensorane.

Eksamensspråk

Du kan svare på eksamen på norsk, svensk, dansk eller engelsk. Søknad om engelsk oppgåvetekst sender du til kontaktpunktet for emnet.

Karakterskala

Emnet nyttar karakterskala frå A til F, der A er beste karakter og F er stryk. Les meir om karakterskalaen.

Høve til ny eller utsett eksamen

Dersom du trekkjer deg frå eksamen etter fristen bruker du eit eksamensforsøk.

Meir om eksamen ved UiO

Andre rettleiingar og ressursar finn du på fellessida om eksamen ved UiO.

Sist henta frå FS (Felles studentsystem) 14. okt. 2026 21:49:20

Fakta om emnet

Nivå
Master
Studiepoeng
10
Undervisning
Haust
Eksamen
Haust
Undervisningsspråk
Norsk

Kontakt

Institutt for lingvistiske og nordiske studier