Oppbygging og gjennomføring

I 1. og 2. semester går undervisninga føre seg på ulike fagavdelingar ved IKO (Institutt for klinisk odontologi). Fagavdelingane set opp semesterplanar og timeplanar i samsvar med krava i spesialistreglane.

Studiet er bygd opp av ulike obligatoriske emne. Nokre av emna inneheld fleire kurs.  

1. Introduksjonskurs

Alle nye kandidatar, uavhengig av fagretning, gjennomfører eit 8-vekers felleskurs. Kandidatar med opptak i oddetalsår gjennomfører 4 veker i august/september og 4 veker i januar/februar. Kandidatar med opptak i partalsår gjennomfører 2 veker i august/september og 2 veker i januar på første studieår, og 2 veker i august/september og 2 veker i januar på andre studieår. Sjå Studieløp nedanfor.

2. Klinisk praksis og avdelingsbaserte kurs

Alle kandidatar skal i det normerte studieløpet gjennomføre seks emne innan klinisk praksis og avdelingsbaserte kurs – eitt emne per semester. Kvart enkelt semester må godkjennast for at semesteret skal vurderast til bestått. Klinisk praksis er berre ope for kandidatar med opptak til studieprogrammet.

Du går i gang med utdanninga ved avdeling for periodonti straks etter studiestart, og du startar med pasientbehandling ved studentklinikkane allereie den første hausten.

Den kliniske undervisninga består av pasientbehandling under rettleiing og går føre seg ved Klinikk for spesialbehandling eller andre fakultetetsklinikkar. I tillegg til pasientbehandling omfattar undervisninga konsultasjonar og rådgivingsteneste. Det inngår rettleiarfunksjon (til dømes rettleiing av odontologi-, tannpleie- og tannteknikkstudentar) som ein del av studiet.

Avdeling for periodonti held i tillegg obligatoriske avdelingsbaserte kurs. Desse kan opnast for andre kandidatar under føresetnad av ledig plass. Behov for supplerande eksterne kurs blir vurderte av kvar enkelt fagavdeling.

Studieløp (obligatoriske emne)

* Kandidatar med opptak i oddetalsår fullfører felleskursa i 1. og 2. semester. Kandidatar med opptak i partalsår har felleskursa fordelt frå 1. til 4. semester.

Obligatoriske felleskurs

* Fullførast i vårsemesteret. Emneskildringane i tabellen kjem i løpet av våren 2027.

Føresetnader

Ta alltid kontakt med studiekonsulenten ved spørsmål om permisjon og fråvær.

• Det høgaste tillatne fråværet er 10 prosent av tida. Under heilt spesielle forhold kan fagavdelingar godkjenne fråvær utover dette.Sjå programplanen for fråværsregler.
• Det kan innvilgast permisjon frå studiet eller utsett studiestart etter søknad. Sjå elles krav til studieprogresjon i Forskrift om studier og eksamener ved Universitetet i Oslo.
• Lengre fråvær gjennom eit semester utan å ha søkt om permisjon kan føre til tap av studierett.
• Kurs tatt for meir enn 5 år sidan ved eksamenstidspunktet vert ikkje godkjende. Kursa må samla utgjere ei fagleg eining med relevans for den aktuelle fagdisiplinen.

I 1. og 2. semester går undervisninga føre seg på ulike fagavdelingar ved IKO (Institutt for klinisk odontologi). Fagavdelingane set opp semesterplanar og timeplanar i samsvar med krava i spesialistreglane.

Studiet er bygd opp av 21 emne som fordelar seg på tre emnekategoriar. Nokre av emna inneheld igjen ulike kurs.  

1. Introduksjonskurs og kjernepensum

Alle nye kandidatar, uavhengig av fagretning, gjennomfører eit lite introduksjonskurs i august/september: IT, metodologi og klinisk foto.

I tillegg gjennomfører alle kandidatar to obligatoriske kjernepensumemne i løpet av det første studieåret:

• Kjernepensum del 1 går føre seg i haustsemesteret i partalsår og består av tre mindre kurs: 
  Forskningsmetode, Biostatistikk og Epidemiologi
• Kjernepensum del 2 går føre seg i vårsemesteret i oddetalsår og består av seks kurs: 
  Oral biologi, Perspektiv på oral helse og etikk, Forskningprosjekt ved fakultet, Genetikk, Kranofacial utviklingsbiologi og Psykiatri.

Påmelding til kjernepensum gjer du i StudentWeb det semesteret det blir avhalde kurs.

2. Fakultetsbaserte emne

Kandidatar gjennomfører òg fakultetsbaserte emne i løpet av 1. og 2. studieår. Enkelte emne er obligatoriske i utdanningsplanen for den respektive fagretninga, medan andre har valfri deltaking. Emna kan opnast for andre kandidatar under føresetnad av at det er plass. Emna går annakvart år i dei semestera det ikkje blir tilbode kjernepensum - sjå punkt 1.

Fakultetsbaserte emne

• OD8051 - Tanntraumer
• OD8052 - Immunologi
• OD8053 - Endodonti
• OD8054 - Akutt medisin med HLR
• OD8055 - Gerodontologi
• OD8056 - Farmakologi
• OD8057 - Bittfysiologi
• OD8058 - Implantatkurs
• OD8059 - Kjeveortopedi
• OD8061 - Kjeve- og ansiktsradiologi
• OD8062 - Oral medisin
• OD8063 - Mikrobiologi

Vår og haust

Fakultetsbaserte emne del 1 i haustsemester oddetalsår

Fakultetsbaserte emne del 2 i vårsemester partalsår (pdf, 111 kB)

3. Klinisk praksis og avdelingsbaserte kurs

Alle kandidatar skal i det normerte studieløpet gjennomføre seks emne innan klinisk praksis og avdelingsbaserte kurs – eitt emne per semester. Kvart enkelt semester må godkjennast for at semesteret skal vurderast til bestått. Klinisk praksis er berre ope for kandidatar med opptak til studieprogrammet.

Du går i gang med utdanninga ved fagavdelinga di straks etter studiestart, og du startar med pasientbehandling ved studentklinikkane allereie den første hausten. Enkelte fagretningar har òg klinisk praksis utanfor fakultetet.

Den kliniske undervisninga består av pasientbehandling under rettleiing og går føre seg ved Klinikk for spesialbehandling eller andre fakultetetsklinikkar. I tillegg til pasientbehandling omfattar undervisninga konsultasjonar og rådgivingsteneste. Ved nokre fagavdelingar inngår rettleiarfunksjon (til dømes rettleiing av tannlege- og tannpleiarstudentar) som ein del av studiet.

Fagavdeling for periodonti held i tillegg obligatoriske avdelingsbaserte kurs. Desse kan opnast for andre kandidatar under føresetnad av ledig plass. Behov for supplerande eksterne kurs blir vurderte av kvar enkelt fagavdeling.

Studieløp ved oppstart i partallsår

Studieløp ved oppstart i oddetallsår

Valfrie fakultetsbaserte emne

• OD8051 - Tanntraumer
• OD8057 - Bittfysiologi
• OD8059 - Kjeveortopedi

Føresetnader

Ta alltid kontakt med studiekonsulenten ved spørsmål om permisjon og fråvær.

• Det høgaste tillatne fråværet er ti prosent av tida. Under heilt spesielle forhold kan fagavdelingar godkjenne fråvær utover dette.
• Det kan innvilgast permisjon frå studiet eller utsett studiestart etter søknad. Sjå elles krav til studieprogresjon i Forskrift om studier og eksamener ved Universitetet i Oslo.
• Lengre fråvær gjennom eit semester utan å ha søkt om permisjon kan medføre tap av studierett.
• Kurs tekne for meir enn fem år sidan blir vanlegvis ikkje godkjende. Kursa må samla utgjere ei fagleg eining med relevans for den aktuelle fagdisiplinen.