LING1109 – Fleirspråklegheit

Timeplan, pensum og eksamensdato

Kort om emnet

I dette emnet ser vi på fleirspråklegheit både hos det enkelte individet, og i ulike variantar av fleirspråklege samfunn. Vi ser på ulike typer fleirspråkleg tileigning og kognitive verknader av fleirspråklighet. Vi tek óg opp fenomen som oppstår eller er resultat av møte mellom menneske med ulike språk, slik som språkval og kodeveksling, og vi diskuterer kvardagen til individ i land med ulik språkhistorie og språkpolitikk, spesielt resultatet av språkpolitikken landa fører overfor minoritetsgrupper. Forholda i Norden blir framheva.

Kva lærer du?

Studentane får kunnskap om ulike fleirspråklege samfunn og korleis forholdet mellom individ og samfunn påverkar den enkelte. Dei skal få øving i argumentasjonsmåtar knytte til emna og i presentasjon av nokre emne skriftleg og munnleg.

Opptak til emnet

Studentar må kvart semester søkje og få plass på undervisninga og melde seg til eksamen i Studentweb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

EXFAC03-SPR – Examen facultatum, språkvitenskap.

Undervisning

Undervisninga går over heile semesteret med 14 forelesningar og 2 gruppetimar.

Det er éi obligatorisk kvalifiseringsoppgåve som skal leverast inn eller presenterast munnleg. Det vert informert om tid og stad for denne på semestersidene. Den obligatoriske kvalifiseringsoppgåva må vere godkjent av faglæraren før studentane kan ta den avsluttande eksamenen.

Godkjende obligatorisk aktivitetar er gyldige dei to neste gongene emnet vert tilbydd.

Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.

Eksamen

Skriftleg skuleeksamen på 4 timar.

Hjelpemiddel til eksamen

Norsk - Engelsk, Engelsk - Norsk ordbok er tillatt.

Eksamensspråk

Du kan svare på eksamen på norsk, svensk, dansk eller engelsk.

Karakterskala

Emnet nyttar karakterskala frå A til F, der A er beste karakter og F er stryk. Les meir om karakterskalaen.

Meir om eksamen ved UiO

Andre rettleiingar og ressursar finn du på fellessida om eksamen ved UiO.

Sist henta frå FS (Felles studentsystem) 15. okt. 2026 09:59:48

Fakta om emnet

Nivå
Bachelor
Studiepoeng
10
Undervisning
Haust
Eksamen
Haust
Undervisningsspråk
  • Engelsk
  • Norsk

Kontakt

Institutt for lingvistiske og nordiske studier