NOR2119 – Grammatikalisering i skandinaviske språk
Skildring av emne
Kort om emnet
Emnet gir ei innføring i det språkhistoriske fenomenet grammatikalisering, og i måtar å nærme seg dette fenomenet på. På kurset ser vi på døme på grammatikalisering i skandinavisk især (og litt i germansk elles), og det betyr at det også er naudsynt å sjå litt på skandinavisk språkhistorie meir generelt.
Forholdet mellom grammatikalisering og andre typar endringar vil bli teke opp, liksom ulike syn på verdien av grammatikaliseringsteori, og på spørsmål om kor grensene går for grammatikalisering. Også nokre teoretiske konsekvensar vil bli behandla (til dømes relasjonen synkroni - diakroni, syntaks - morfologi).
Pensumomfang: 600-700 sider. Pensum finst på emnesida for kvart semester.
Kva lærer du?
Når du har gjennomført dette emnet, kan du:
- gjere greie for fenomenet grammatikalisering
- presentere og bruke grammatikaliseringsteori i vitskapleg resonnement og arbeid (til dømes masteravhandling) i språkhistorie eller grammatikk
- vurdere kritisk forskingsresultat innanfor feltet
Opptak til emnet
Studentar må kvart semester søkje og få plass på undervisninga og melde seg til eksamen i Studentweb.
Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.
Obligatoriske forkunnskapar
NOR1100 – Norsk grammatikkOverlappande emne
- 10 studiepoeng overlapp med NOR4119 – Grammatikalisering i skandinaviske språk (nedlagt).
Undervisning
Studenten skal delta aktivt på seminaret, og skal halde eit lengre munnleg innlegg som kvalifiseringsoppgåve.
Godkjende obligatorisk aktivitetar er gyldige dei to neste gongene emnet vert tilbydd.
Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.
Eksamen
Eksamen er ei mappeinnlevering.
Eksamensspråk
Eksamen må besvares på norsk.
Karakterskala
Emnet nyttar karakterskala frå A til F, der A er beste karakter og F er stryk. Les meir om karakterskalaen.
Meir om eksamen ved UiO
- Kjeldebruk og referansar
- Tilrettelegging på eksamen
- Trekk frå eksamen
- Sjuk på eksamen / utsett eksamen
- Begrunnelse og klage
- Ta eksamen på nytt
- Fusk/forsøk på fusk
Andre rettleiingar og ressursar finn du på fellessida om eksamen ved UiO.