NOR2430V – Nynorsk skriftkultur

Nynorsk er ein sentral del av norskfaget i norsk skule, og fleirtalet av elevane får opplæring i nynorsk, anten som hovud- eller sidemål. Dette emnet undersøkjer nynorsk skriftkultur og nynorsk som eit kulturelt og politisk prosjekt frå 1800-talet til i dag.

Emnet femnar om nynorskens historie, frå Ivar Aasens språkreising, gjennom nynorskens som eit motkulturelt prosjekt, hos Arne Garborg og framover, til nynorsken som distriktsopprør og middel til litterær fornying i Noreg i dag.

Emnet er særleg retta mot dei som jobbar med nynorsk i skulen, forvaltning, bibliotek og andre stader.

Etter å ha gjennomført emnet skal studentane kunne

• syne kunnskap om nynorsk både som skriftspråk og skriftkultur
• diskutere nynorsk som uttrykk for motkultur og som middel til litterær fornying
• diskutere haldningar til nynorskens stilling i samfunnet i dag
• analysere, tolke og formidle nynorsk skjønnlitteratur og sakprosa

For å bli teken opp til emnet krevst det generell studiekompetanse (GSK).

Søknadsprosess:

Du søkjer opptak til emnet i EVUweb.

Du kan søkje frå 3. juni

Søknadsfrist: 2. august

Du får svar på søknaden innan 15 arbeidsdagar.

Talet på plassar: 20. Førstemann til mølla prinsippet gjelder.

Søkjarar risikerer å ikkje få opptak til vidareutdanningsemnet sjølv om dei er kvalifiserte.

Studieavgift

Studentar med statsborgarskap frå land utanfor EU/EØS og Sveits må betale studieavgift, med mindre dei kvalifiserer for unntak. Les om studieavgift og unntak.

Spørsmål om opptak

Har du spørsmål om opptak, ta kontakt med oss på: henvendelser@iln.uio.no

Undervisninga er organisert i 10 timar forelesingar og seminar.

Obligatorisk aktivitet:

Det er obligatorisk å delta på 4 av 5 undervisningssamlingar.

Studenten må òg få godkjent ei obligatorisk kvalifiseringsoppgåve.

Studentar som har fått godkjent kvalifiseringsoppgåva og som har delteke i obligatorisk aktivitet, har rett til å gå opp til eksamen.