Parkering ved UiO

Rett parkeringsbevis

• For å kunne parkere på UiO, må du ha oblat eller parkeringskort synleg festa i frontruta, eller nytte plassar med betalingsautomatar.
• Parkeringsløyvet følgjer kjøretøyet. Kjøretøyet kan berre ha oblat eller løyve for ei gruppe.
• Dersom du parkerar utan rett parkeringsbevis i tidsrommet 08.00-16.00 frå mandag til fredag, vil du få parkeringsgebyr. Les parkeringsreglementet.

Studentar

• Som registrert student kan du få S-oblat, og har då rett til å parkere på plassane som er skilta med S.
• Oblat for studentar får du på SiO-senteret i Kristian Ottosens hus, Blindern.
• Du må skifte ut oblaten kvart år. Frist for utskiftning er 15. februar.

Gjestar

• Dersom du skal vitje ei eining eller ein tilsett ved UiO, kan du få B-kort, eit parkeringsbevis med kortvarig gyldigheit. Kortet blir skrive ut av den eininga du er gjest hos. Kvar og kor lenge du er gjest, blir skrive på kortet (maksimalt ei veke). Kortet legg du synleg i frontruta.
• Bilar med B-kort kan parkere på A-, R- og S-plassane.
• I tillegg finst det parkeringsplassar med betalingsautomatar. 

Entreprenørar, handverkarar, servicefirma o.l.

• Parkeringskort merka "E" får du hos områdekontoret i det aktuelle området eller hos Budsentralen i underetasjen i Lucy Smiths hus.
• Bilar med E-løyver kan parkere på A-, E- og S-plassar.

Varelevering

• Kortvarig stans for av- og påstiging og for å lesse på og av kan gjerast der skiltinga tillét det.

Handicap-parkering

• Parkeringsplassar for funksjonshemma er merka med handikap-symbol og gjeld for funksjonshemma med kommunalt parkeringsløyve.