NOR4174 – Fordjupingsemne i nordisk språkvitskap: morfologi
Kort om emnet
Det faglege temaet på dette emnet skifter frå semester til semester, men sams for alle er at det gjev studentane høve til å fordjupa seg i avgrensa spørsmål innanfor morfologisk teori med fokus på dei nordiske språka.
Kva lærer du?
Etter fullført emne skal studentane kunna:
- ha innsikt i morfologisk teori innanfor eit avgrensa område
- kjenna til forskingslitteratur og aktuelle forskingsspørsmål innanfor eit avgrensa område
- ta stilling til konkrete forskingshypotesar
- ytra seg sjølvstendig om aktuelle forskingsspørsmål
Opptak til emnet
Studentar med studierett på program må kvart semester søkje og få plass på undervisninga og melde seg til eksamen i Studentweb.
Studentar tatt opp til andre masterprogram, kan etter søknad få tilgang til emnet dersom dette er klarert med eige program.
Dersom du ikkje allereie har studieplass ved UiO, kan du søkje om opptak til våre studieprogram.
Tilrådde forkunnskapar
NOR2111 – Syntaks og morfologi i nordiske språk eller
NOR4112 – Syntaks og morfologi i nordiske språk eller
LING1112 – Morfologi og syntaks 1 eller
LING2104 – Morfologi og syntaks 2
Studentar som ikkje har teke nokre av desse emna bør ha kunnskap tilsvarande det som er på pensum om morfologi på NOR2111, anten gjennom tidlegare kunnskap eller ved å lesa dette pensumet før emnet byrjar.
Undervisning
Undervisninga går over heile semesteret med totalt 10 timar førelesingar og 10 timar seminarundervisning.
Eksamen
Eksamen er ei semesteroppgåve på ca. 23.000 teikn utan mellomrom (10 sider) som skal leverast til fastsett dato i slutten av semesteret. Oppgåva blir vurdert med gradert karakterskala av oppnemnd sensor.
Eksamensspråk
Du kan besvare eksamenen på norsk, svensk eller dansk. Søknad om annet eksamensspråk sender du til kontaktpunktet for emnet.
Meir om eksamen ved UiO
- Kjeldebruk og referansar
- Tilrettelegging på eksamen
- Trekk frå eksamen
- Sjuk på eksamen / utsett eksamen
- Begrunnelse og klage
- Ta eksamen på nytt
- Fusk/forsøk på fusk
Andre rettleiingar og ressursar finn du på fellessida om eksamen ved UiO.