NOR2111 – Syntaks og morfologi i nordiske språk

Kort om emnet

Emnet tek føre seg nyare syntaktisk og morfologisk teori brukt på moderne norsk språk, med noko kontrastiv jamføring med dei andre nordiske språka.

Kva lærer du?

Etter fullført emne skal studentane kunne

• gjere greie for nokre sentrale idear i nyare grammatisk teori, både syntaks og morfologi
• presentere nokre sentrale grammatiske problem og vurdere ulike analyseframlegg
• gjere greie for kva slags kunnskap grammatisk kunnskap er

Endeleg karakter viser i kva grad studenten har oppnådd læringsutbyttet for emnet.

Opptak til emnet

Studentar må kvart semester søkje og få plass på undervisninga og melde seg til eksamen i Studentweb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Obligatoriske forkunnskapar

NOR1100 – Norsk grammatikk eller tilsvarande kunnskapar.

Tilrådde forkunnskapar

Det er ein føremon med lingvistikkvarianten av examen facultatum.

Overlappande emne

• 10 studiepoeng overlapp med NOR4112 – Syntaks og morfologi i nordiske språk.

Undervisning

28 timar seminarundervisning. Ei skriftleg kvalifiseringsoppgåve skal vere godkjend av faglærar før eksamen.

Godkjende obligatorisk aktivitetar er gyldige dei to neste gongene emnet vert tilbydd.

Adgang til undervisning

Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.

Eksamen

Eksamen er ei prøveforelesning

Hjelpemiddel til eksamen

Ingen hjelpemiddel er tillatne.

Eksamensspråk

Du kan svara på norsk, svensk eller dansk.

Karakterskala

Emnet nyttar karakterskala frå A til F, der A er beste karakter og F er stryk. Les meir om karakterskalaen.

Meir om eksamen ved UiO

• Kjeldebruk og referansar
• Tilrettelegging på eksamen
• Trekk frå eksamen
• Sjuk på eksamen / utsett eksamen
• Begrunnelse og klage
• Ta eksamen på nytt
• Fusk/forsøk på fusk

Andre rettleiingar og ressursar finn du på fellessida om eksamen ved UiO.