LING2223 – Germansk og indoeuropeisk språkvitskap

Timeplan, pensum og eksamensdato

Kort om emnet

Norsk og dei andre nordiske språka høyrer til den germanske språkfamilien. Denne språkfamilien er sett saman av nordgermansk (dei nordiske språka), vestgermansk (t.d. engelsk, tysk, nederlandsk) og austgermansk (gotisk, no utdøydd). Dette emnet skal sjå nærare på kva som kjenneteiknar desse tre greinene av germansk og kva som skil dei frå kvarandre. Den germanske språkfamilien er ei av mange greiner i den indoeuropeiske språkfamilien, saman med til dømes romansk, keltisk, baltisk, slavisk, gresk og indo-iranske språk. Emnet skal sjå på grunndraga i den indoeuropeiske språkfamilien, og på kva som kjenneteiknar den germanske språkgreina andsynes dei andre indoeuropeiske språkgreinene.

Kva lærer du?

Når du har gjennomført dette emnet, kan du

  • gjera greie for grunndraga i den indoeuropeiske språkfamilien
  • gjera greie for kva som kjenneteiknar den germanske språkgreina av indoeuropeisk
  • gjera greie for kva som skil dei tre hovudgreinene i den germanske språkfamilien frå kvarandre
  • kjenna att sentrale språkdrag i gamle germanske tekster

Opptak til emnet

Studentar må kvart semester søkje og få plass på undervisninga og melde seg til eksamen i Studentweb.

Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.

Studentane bør ha kjennskap til grunnleggjande grammatikk og sentrale språkvitskaplege termar, anten frå andre innføringsemne i språkvitskap, eller gjennom eigen kunnskap.

Overlappande emne

Undervisning

14 timar førelesingar og 14 timar seminarundervisning med tekstlesing. Førelesaren skal godkjenna ei skriftleg kvalifiseringsoppgåve før eksamen.

Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.

Eksamen

Eksamen er ein 3-dagars heimeeksamen i slutten av semesteret.

Eksamensspråk

Eksamensoppgåva skal skrivast på norsk (nynorsk eller bokmål), eit anna skandinavisk språk, tysk eller engelsk.

Karakterskala

Emnet nyttar karakterskala frå A til F, der A er beste karakter og F er stryk. Les meir om karakterskalaen.

Høve til ny eller utsett eksamen

Ei semesteroppgåve eller tilsvarande som er bestått, kan ikkje leverast på nytt i omarbeidd form.

Dersom du trekkjer deg frå eksamen etter fristen bruker du eit eksamensforsøk.

Sjuk på eksamen / utsett eksamen - Universitetet i Oslo

Meir om eksamen ved UiO

Andre rettleiingar og ressursar finn du på fellessida om eksamen ved UiO.

Sist henta frå FS (Felles studentsystem) 15. okt. 2026 10:01:37

Fakta om emnet

Nivå
Bachelor
Studiepoeng
10
Undervisning
Haust
Undervisningsspråk
Norsk

Kontakt

Institutt for lingvistiske og nordiske studier